di Ghjuvanni Filippini
A Bastia
Bastia cità di la miò giuventù,
cara a la miò memoria e lu miò core,
quandu di rivedeti un cridia più,
torna invece so’ qui, prima di more.
Quanti ricordi mi teni o Bastia:
Di i jorni di scòla, di le passighiate,
per Sant’Antone o per Santa Lucia ,
cu u miò fratellu, e a Toga le nutate.
A Traversa, San Roccu, A Cuncezione,
San Ghiuvanni e la Piazza di u Mercà,
Santa Maria quassù, cu u so’ bastione,
e verdi palme di San Niculà.
U vecchiu portu e li so’ bastimenti,
faccia a le surelle isule vicine,
a parte pronti cun tutti li venti
per altri celi e altre marine.
L’amici cari e giovani passioni,
di u primu amore pe’ la Cursichella,
per ella e speranze e l’illusioni …
Tanti ricordi, chi u tempu un cancella.
Ghiuvanni Filippini
Bastia, nuvembre 1999