Palermo, strage di Capaci: «I Semi del 92»

A Sicilia ricorda i 30 anni di a strage di Capaci. L’attentatu sprufundatu chi ha uccisu u giudice Falcone, à so moglie e ghjente di à so scorta u 23 maghju di u 1992 à Capaci vicinu à Palermo. Qualchi mese dopu ghjera u giudice Borsellino chi cascava sott’a viulenza di a mafia. A mafia mustrava cusi à so pudenza di focu, di sfida à u putere ghjudizariu incarnatu da sti dui magistrati chi avianu decisu di purtà à i mafiosi colpi severi chi mettìanu l’esistenza di l’urganisazione in periculu, e dimustravanu cusi che a mafia ùn ghjera più invicibile. Indè sta guerra, d’altri magistrati so stati ucisi (24), cume preti o giurnalisti.
Salvatore Cusimano giurnalistu, ex direttore di a RAI Sicilia, spezialistu di a mafia, prutagunista durente parechj’anni di a trasmissione «   Mediterradio « di RCFM, indè ùn filmu hà spiegatu i prucedimenti ghjudizarii di Falcone e Borsellino. « I Semi del 92 » (ghje u titulu), sculpice è figure di dui omi, colmi di valori republicani, difensori di è libertà publiche, cavalieri di una vuluntà pupulare scurdata troppu spessu da u putere puliticu. « E mente raffinatissime »……parole palisate indè u filmu e chi rimbombanu cume accuse di un’ambiente puliticu-mafiosu. A mafia e a pulitica si so sempre nutrite mutualmente indè una cladestinità complice. Custituendu ùn ballu nant’à ritmi infernali , « ùn ti cunnoscu ti cunnoscu », «  ùn t’aiutu ma t’aiutu sottu sottu »,o «  ùn ti dò ma ci demu »…… Falcone e Borsellino dui ghjudici, chi anu ridatu una dignità à u Statu Talianu e à’ so ghjustizia. L’anu pagatu di à so vita. Ma sta strage, stu solcu prufondu chi ha sepellitu u 23 maghju di u 92 une poche di vite, solcu traciatu no da u « gestu augustu di u seminatore », ma da a manu infernale e criminale di a mafia, ha fattu nasce una cuscienza pupulare, una manella di citadinanza e di ribellione purtate da «  un’esercitu di maestri » chi saranu dumane i veri vincitori di a Mafia . E cusi chi si cunclude u filmu di Cusimano.

IN CORSICA CHI DIFFERENZA ?
Per stu ricordu l’associu marsegliese «  Crim’halt », incù une pochi d’associi corsi, Massimu Susini, Anticor, A Mafia Nò, culletivu anti-mafia, so andati à Palermo per una furmazione. Anu scontru u merre di a cità, magistrati, giurnalisti per megliu capì tuttu cos’a Sicilia e l’Italia anu messu in opera per cumbatte a mafia. « Vulemu nutricci di st’eperienze per a creazione di ùn fronte europeu di lotta contr ‘a mafia » ha dettu Petru Lurenzu Santelli porta parola di l’associu Massimu Susini. « Ci tocca che a legge taliana sipii armunizata à u livellu di l’Auropa . In Corsica, Statu e Ghjustizia deneganu l’esistenza di a mafia e parlanu solu di grende banditisimu . Ancu a culletività di corsica denega » dice dinò Santelli. Tra Sicilia e corsica chi differenze ? l’associu vole purtà à questione à l’Assemblea Naziunale incù l’aiutu di i novi deputati chi saranu eletti in ghjugnu.
A Corsica ha cunnisciutu annate negre una trentina d’anni fà. Si cuntava sin’à una quarantina d’assassigni per annu. Una viulenza « mafiosa » e una viulenza pulitica chi si facianu in qualchi modu cuncurrenza. Pistole e bombe ritmavanu è notte corse. U Statu tandu dava più impurtenza à a lotta contr’a viulenza clandestina di u FLNC che à quella contra i banditi. E cusi che u crimine fiuriva. Si parlava, e si parla sempre ,di fenomenu mafiosu ma no di mafia. Ancu sè in Corsica u grende banditismu ùn presenta micca un’urganisazione militare ierachisata cume « cosa nostra », è differenze so poche. Una legislazione specifica hè messa in opera in particulare per u Guvernu Jospin. Ma u sequestru di e beni di i criminali o a prucedura per i pentiti ùn so à u livellu di l’Italia. Una dumanda anc’oghje non suddisfatta , di l’associi anti-mafia corsi.

Indè un’intervista data à Corse-Matin in maghju 2019 Salvatore Cusimano dicchjarava ,  che «  per cumbatte a mafia ci tocc’à impone a fine di u silenziu . Mette a mafia in piazza publica. Sè un’elettu, ùn merre, subice pressione deve dinunzia le à a ghjustizia sinò diventa complice ». À a dumanda sell’ esiste una mafia in Corsica, Cusimano rispundìa cusi : «  Cosa hè a mafia ? Ghje ùn gruppu criminale chi funziona cume ùn lobby, à un’ eccesione vicina, che quandu site mafiosu u vostru interlucutore sà che vo appartenite à ùn gruppu criminale. Un’avete micca bisognu di mette una pistola nant’a u tavulinu. Basta chellu sappia che voi avete, per ripiglià i termini di a legge taliana, «  una riserva di viulenza ». Partendu di sta definizione si pò dì che a mafia hè una realità siciliana ma che u metodu mafiosu ghje presente altrò. Sè l’esiste in Corsica un’urganisazione chi dispone di sta « riserva di viulenza » questa hè mafia ! ».
Al dilà di u casu talianu a mafia po esse una malatia di e demucrazie ? à u giurnalistu Pierre Negrel di Corse Matin Salvatore Cusimano rispundìa : «  No. Ci sò parechji regimi auturitarii induve è mafie crescenu. Guardate i paesi di l’America Centrale. A u cuntrariu a demucrazia offre à u citatinu a pussibilità di diventà prutagunistà di a ribellione in particulare contra è mafie. Ghje cose lu s’hè passatu dopu à u massacru di Capaci. E ghjente si sò rivultate anu pigliatu a parola, suspesi linzoli bianchi à è finestre. Què ùn ghje pussibile che ind’è demucrazie ». E indè stu periodu di ricordu di a strage di Capaci Salvatore Cusimano indè u so filmu, « I semi del 92 », riface u percorsu di sta ribelione e di è speranze chell’ha apertu.

Petru Luigi Alessandri

About Petru Luigi Alessandri

Giornalista radiofonico di RCFM, si occupa tra l'altro anche della trasmissione Mediterradio, che mette in contatto gli ascoltatori di Corsica, Sardegna, Sicilia, e occasionalmente Malta e altre terre mediterranee. Per Corsica Oggi scrive in lingua corsa o, in traduzione, in italiano.

View all posts by Petru Luigi Alessandri →

Lascia un commento

Il tuo indirizzo email non sarà pubblicato.