A CGT incù d’altri sindicati cume quelli di l’Educazione Naziunale, à FSU, o i sindicati FO è Solidaires, hanu manifestatu in Corsica per dì una volta di più “nò” è “nò” à a legge vulsuta da u guvernu chi mudificheghja u codice di u travagliu.
I sindicati nonisti stu 14 ghjugnu hanu fattu sapè, in Regione cume à u pianu naziunale, che sta legge va in daretu da u prugressu suciale. “Un ghje una legge di manca, un guvernu chi si dice sucialistu un pò prumove una tale legge chi và contr’à l’uvrieri” hà dettu Ghjuvan Petru Battestini leader di a CGT in Bastìa.
U guvernu ùn l’intende cusì. U Primu Ministru Manuel Valls ha rispostu anch’ellu “Nò” à ùn ritiru di a legge. È di fronte à i sguasti causati dopu à a manifestazione parigina da unepochi di sgaiuffi viulenti estranei à u curteu, u PM hà minaciatu di ùn dà più autorisazione di manifestà.
Un si sà cume anderà à finì stu cunflittu, ma u guvernu pò pagane u prezzu forte à e prossime elezzione presidenziale in 2017.
—-
Articulu di Petru Luigi ALESSANDRI
Petru Luigi Alessandri
Giornalista radiofonico di RCFM, si occupa tra l'altro anche della trasmissione Mediterradio, che mette in contatto gli ascoltatori di Corsica, Sardegna, Sicilia, e occasionalmente Malta e altre terre mediterranee. Per Corsica Oggi scrive in lingua corsa o, in traduzione, in italiano.
Redazione 
Guillaume Bereni
ci facenu cagà, ch’elli voghinu à travaglià appena.