E cità di Corsica cume quelle d’altrò si guarniscenu di lumi, e feste di Natale è di fin’d’annu s’avvicinanu. Bastia s’appronta dunque à stu periodu natalescu. A municipalità ha presentatu un programma chi ha da stendesi fin’à u 31 dicembre. Unepochi di manifestazione custruite in giru à trè temi : i ghjochi, u suciale, è u patrimoniu . E ghjè a piazza Santu Niculà chì accuglierà sti mumenti festivi. Digià una grande Rotula ghjè stata posta, è à fiancu, un scunlicidoghju, per maiò è zitelli.
U marcatu di Natale, oramai tradiziunale indè parechje cità di Francia è d’altrò, presenterà i sapè fà patrimuniali dendu cusi à l’artisgiani, i pruduttori (salumeria, frutta, mele, dolci, ecc…), l’occasione di una prumuzione specifica. Ma ogni ghjornu indè e casette previste apposta un’associu chi primureghja un scopu suciale (difesa d’i disabili, di l’anziani, d’i zitelli malati, d’i dritti…) presenterà e so missione. In fine ci sarà una ghjurnata cunsacrata à l’anziani fatta di spettaculi è rigali. Indè u carrughju di Lupinu, à l’Albore, l’annata si chjuderà incù un cenonne per e ghjente precarie.
Petru Savelli : « prima di tuttu a lea suciale »
Petru Savelli, merre di Bastia, ha datu i detagli di ste manifestazione à Petru Luigi Alessandri.
Petru Luigi Alessandri
Giornalista radiofonico di RCFM, si occupa tra l'altro anche della trasmissione Mediterradio, che mette in contatto gli ascoltatori di Corsica, Sardegna, Sicilia, e occasionalmente Malta e altre terre mediterranee. Per Corsica Oggi scrive in lingua corsa o, in traduzione, in italiano.
Redazione 
Guillaume Bereni