U dolce pasquale corsu: u caccavellu ò u campanile

 U caccavellu o u caccaveddu, è u spezia di torta à forma di curona di pasta dolce cù butiru, ove, latte, zuccheru, farina, cotta in u fornu, chjamata campanile in Cismonte, (ma ancu cruccone, curcone), è canistrellu in Calvi e u chjurchjolu in Niolu.

Chjamatu Campanile a Rutali, Caccavellu in Corsica suttana, Cruccone in Merusaglia o Croccone in Alisgiani. Ancu canistrellu (ma senza ovu) in Calvi messu ingiru à u bracciu à a prucessiò di u Ghjovi Santu da i cunfratelli. Eccu qualcosa di bonu (per i zitelli u più) di Pasqua o sia in merendella u luni di Pasqua.

 

1 chilò di farina

300 gr di zuccheru

200 gr di butìrulu

4 ove sane

80 gr di lèvitu (2 quadretti sciolti cù appena di latte tèpitu)

Muschi : pastizzu, finuchjetta, scorza di limone o aranciu

Mette un’ oncia di sale è u zuccheru inde a farina

Impastà sta farina cù l’ove, u butiru scioltu u levitu cù u muscu sceltu.

Impastà bè sin’ à ottene una palla.

Dopu si face una curona cù a pasta

Metteci un ovu tinutu da a pasta è passà u tòrulu cù un pinnellu.

Infurnà trà 25 è 30 minuti à u fornu à 180°.

Fonte:  Parlamicorsu e Blog Rutali