Danielle Casanova hè nata in Aiacciu in Corsica Suttana u 9 di ghjennaghju di lu 1909. S’illustreghja in a resistenza francese. Vincentella Perini, cugnomata Danielle, sposa Casanova, sottu a bandera cummunista, hà cumbattutu per a libertà di a Francia , è hà datu a so vita per via di e so idee .
A famiglia Perini hè uriginaria di Piana.
E vacanze sculare si passanu in Vistale, paisucciu di a cumuna di Piana induve campanu u so babbò è a so mammò. Danielle Casanova hè stata arristata u 15 di ferraghju di lu 1942 da a pulizza francese , si ritrova à u dipositu di a Prefettura di pulizza sin’à u 23 di marzu di lu 1942 per un interrugatoriu.
• U 23 di marzu hè incarcerata à a prighjò di a Santé. u 9 di ghjugnu di lu 1942 hè mandata à a Gestapo rue des Saussaie.
• u 24 d’aostu di lu 1942 hè imprighjunata à u forte di Romainville (da l’Alimani).
• u 24 di ghjennaghju di lu 1943 hè dipurtata in Auschwitz u 27 di ghjennaghju di lu 1943, ghjunghje in Auschwitz
• A sera di u 9 di maghju di lu 1943, more di u tifu.
E so cenare riposanu in lu tumbinu di famiglia in Vistale. Una stela chì supranghja u mare hè stata edificata in la so mimoria. Esistenu cusì in Francia decini di scole, uspidali, chì portanu u so nome…
In lu 1983, una franchizia incù u so visu hè stata stampata.
Un battellu di a SNCM purtarà u so nome u Danielle Casanova.
Guillaume Bereni