Cultivà i legami trà Corsica è Sardegna hè l’affare di l’associazione “Sardegna Corsica Popoli del Mare”. Nata in lu 2016, st’associazione hè cumposta da ghjente venuta di e duie isule è ghjè cundutta da u so presidente Modesto Fenu.
U prussimu eventu urganizzatu da l’associazione si svoglierà in Corsica durante u mese d’aprile, è si presente cume qualcosa senza precedentu da parechji anni. Intervistatu da u ghjurnale L’Unione Sarda, u presidente Modesto Fenu hà annunciatu un eventu culturale di trè ghjorni in Aiacciu. Saranu presenti vinti gruppi folclorici accumpagnati da circa 800 figuranti, tenores, cantanti è cori pulifunici.
L’eventu hè in preparazione da un annu, è ghjè sustenutu da a Regione Sardegna, a Cullettività di Corsica, parechje cumune è anche imprenditori privati. Mette in mossa un grande gruppu di vuluntari è crea sinergie trà l’isule surelle, attraversu per esempiu u travagliu di i stilisti in Sardegna cume in Corsica per creà custumi.
Pè u mumentu l’associazione ùn hà micca precisatu induve in città si svoglierà l’eventu, nè chì ghjornu d’aprile. Cundivideremu l’informazione quandu sarà annunciata.
–
Fonte: L’Unione Sarda
Guillaume Bereni
Di Felce (Castagniccia), è padre di 3 bimbi e lavora sia nell'azienda agricola di famiglia, che produce farina di castagne, sia come redattore freelance, per noi e per altre testate, scrivendo in lingua corsa, francese e italiana.
Petru Luigi Alessandri