Hè un’eternità chì ùn si vede più i culori nere è turchinu di a squadra di Pisa inde a massima divisione di u campiunatu talianu di ballò. Esattamente 34 anni. Tandu u “Scudetto” era statu vintu da a Sampdoria, basta à dila per capì chì parlemu di un’epoca bella luntana. Ma oghje l’attesa hè finita pè i sustenitori di Pisa : cù duie ghjurnate d’anticipu, è nonostante a scunfitta di dumenica nant’à u terrenu di Bari (1-0), a squadra allenata da Filippo Inzaghi hà conquistatu à so qualificazione in Serie A.
Benchì stà staghjone sia stata supranata da un’imperiale Sassuolo, a squadra di Pisa ùn hà per nunda smeritatu à so promozione. Hà dimustratu una grande voglia di vincere, di fà u spettaculu, di dà à i so sustenitori u piacè di ritruvà una squadra unita. Bisogna fà complimenti à Filippo Inzaghi, à i ghjocatori è sicuramente appena di più à u corsu-talianu Matteo Tramoni (in lu 2024 ellu è u fratellu Lisandru, tandu tutti dui ghjucatori di Pisa, avianu pigliatu a citadinanza taliana. NDR).
Cù 13 realizazione, Matteo Tramoni hè u migliore marcatore di Pisa pè a staghjone 2024-2025 è si hè classificatu quintu trà tutti i marcatori di a Serie B. In tutti l’articuli pubblicati dà a stampa spurtiva taliana si loda l’impegnu di Tramoni pè esse statu unu di i ghjucatori decisivi di sta squadra pisana. Ghjè ancu un orgogliu per Aiacciu è per l’ACA, cità induve Matteo hè natu è cresciutu, squadra induve l’hà fattu i so primi passi è e statu allenatu pè diventà u bellu ghjucatore chè no cunniscimu oghje.
Guillaume Bereni
Di Felce (Castagniccia), è padre di 3 bimbi e lavora sia nell'azienda agricola di famiglia, che produce farina di castagne, sia come redattore freelance, per noi e per altre testate, scrivendo in lingua corsa, francese e italiana.
Andrea Meloni 
Redazione
Onorati di avere un fratello Corso italiano che gioca in Italia. Spero che sia chiamato in nazionale da Spalletti. No Francia.