A larghissima maggioranza Jean-Guy Talamoni, presidente uscente dell’Assemblea di Corsica, è stato rieletto nel suo ruolo.
Nel discorso di ringraziamento tenuto in lingua corsa davanti all’assemblea, pochi minuti dopo l’elezione, Talamoni ha subito tenuto a chiarire che continuerà ad essere presidente dell’assemblea per tutti i Corsi, anche chi si è astenuto o non ha votato nazionalista. Poi ha voluto ricordare tutti i militanti che hanno lottato per la Corsica e che oggi non sono più a questo mondo “ma sono sempre a fianco a noi”.
Ha sottolineato l’importanza del ruolo dell’FLNC nel difendere la Corsica “in un’epoca in cui in questa terra non c’era democrazia”. Ma anche ricordato che nel 2014 il Fronte ha deposto le armi, per intraprendere la strada della pace e della soluzione politica e democratica. E da questo non si torna indietro.
Dopo il passato, lo sguardo all’immediato futuro: “Tra pochi giorni inizieremo i negoziati con la Francia”. Da anni “c’è chi dipinge la nostra lotta come una lotta antifrancese, ma non è così. Noi lottiamo per amore dei nostri, non per odio verso altri. La Francia è degna di rispetto e, perché no, di amicizia. Ma l’amicizia non ha nulla a che fare con la sottomissione, è un rapporto tra eguali”.
Poi Talamoni legge le sei righe del preambolo della Costituzione del 1755 della Repubblica Corsa di Paoli, non nell’originale in lingua italiana ma in una traduzione in lingua corsa. Preambolo che lui definisce “un tesoro d’innovazione politica” perché enuncia in poche righe quattro concetti: quello di essere una Costituzione, carte fondamentale di uno Stato. Quello di una naziona còrsa, intesa in senso moderno. Il diritto del popolo all’autodeterminazione. E infine il concetto del diritto del popolo còrso alla felicità, concetto che poi sarà presente in altre costituzioni del mondo, compresa quella americana.
E da qui il saluto finale: “Campate felici! Evviva a Corsica, evviva a nazione!”
Il testo integrale del discorso
Cari membri di l’Assemblea di a Giuventù,
Cari cumpatriotti,
In issu principiu d’annu novu vi pregu à tutti a pace, a salute è a felicità.
I Corsi l’anu decisa : a nostra maiurità guvernerà l’affari publichi di u paese durante l’anni chì venenu. D’issi voti, cusì numarosi, ne simu fieri, di sicuru. E ringraziemu di core l’elettori. Ma ci danu sopra à tuttu una rispunsabilità tamanta. A cunfidenza manifestata di 2015 s’hè allargata assai è nimu ùn pò nigà, oramai, a legittimità chè no avemu per mette in ballu u nostru prugettu. Un prugettu naziunale, è dinù suciale.
Tamantu chjassu petricosu !
Issa vittoria, a vogliu dedicà à tutti quelli chì anu cumbattutu per a Corsica è ch’ùn sò più d’issu mondu. Eppuru, sò sempre à fiancu à noi. A vogliu dedicà à i nostri feriti, à tutte e famiglie sempre in lu dulore.
Issa vittoria, a vogliu dedicà à i nostri prigiuneri è machjaghjoli. A elli chì, parechji anni fà, sò stati ciuttati da una manu indegna in u bughju ghjalatu, à elli chì danu capu à issa sorte ingrata incù un curagiu immensu, mandu, incù a mio ammirazione è u mio affettu, issi versi di u pueta brittanicu (W. E. Henley -1849-1903) :
« Pocu impreme, chjose e porte,
Quant’ellu hè crudu lu mio guaiu,
Sò u maestru di a mio sorte,
Di l’alma mea l’amiragliu. »
Ch’elli sappianu chì ùn truveremu mai riposu, mai, fin tantu ch’ùn seranu tutti vultati in Corsica, lentati, è rientrati in casa soia.
Issa vittoria, a vogliu dedicà à i militanti naziunali di tutti i partiti è accolte.
A vogliu dedicà à tutti quelli di u Fronte di Liberazione Naziunale di a Corsica, armata invinta, nata quarant’anni fà per difende u populu corsu à un epica chì demucrazia ùn ci ne era nantu à issa terra. Quarant’anni : tamanta strada sì, ma quant’ella hè stata difficiule sta strada ! Tamantu chjassu petricosu ! Un chjassu chì mai ùn rinicheremu. D’issu chjassu n’avemu fattu una strada larga è risplendente.
Issa vittoria, a vulemu sparte incù tutti i Corsi chì ci anu fattu cunfidenza, vechji militanti o « novi naziunalisti » certe volte criticati nantu à e rete suciale. A l’amichi azezi chì a si caccianu incù quelli chì sò ghjunti avà, pongu a quistione : cosa serebbe, oghje, a situazione di a Corsica, s’è no eramu firmati a manata chè no eramu quarant’anni fà ? Allora, ch’elli sianu accolti cum’ellu si deve quelli chì ci raghjunghjenu, chì simu tutti à paru. Inquantu à i militanti anziani, ch’elli sianu ringraziati assai chì, senza elli, nunda ùn serebbe statu pussibule.
Infine, issa vittoria a vulemu sparte incù quelli chì ùn anu vutatu o chì anu vutatu per d’altre liste, chì u paese l’avemu da fà incù tutti i Corsi, è ancu incù quelli chì ci anu cumbattutu l’arme in manu tanti anni fà. E porte di a nazione sò aperte à ognunu.
Una parolla per l’eletti accolti quì. Aghju vulsutu esse, durante dui anni, u presidente di tutti i membri di l’Assemblea è u mio spiritu serà sempre quessu custì. Chè vo siate di a maiurità o di l’uppusizione, per voi, a mio porta serà sempre aperta. Ognunu ripresenta quì una parte di u populu corsu è duvemu esse sempre à l’altezza di e nostre funzione. A fermezza di u discorsu in u dibattitu hè una cosa nurmale in demucrazia, ma u rispettu si deve à tutti. A campagna hè compia è di l’eccessi ci ne simu scurdati. Maiurità è uppusizione, simu tutti Corsi è appartenimu à un picculu populu. Fora di a pulitica, simu spessu amichi è qualchì volta ancu parenti. Eppò, sopra à tuttu, simu liati da una missione à pro di u bè cumunu è di l’interessu superiore di a Corsica.
Prugettu naziunale, ghjustizia suciale : per un mudelu corsu
A dicia capu nanzu, u nostru prugettu hè naziunale, di sicuru, è dinù suciale, à prò di tutti i Corsi è in particulare di quelli chì cunnoscenu e più grande difficultà.
A quessi, vogliu ramintà u nostru impegnu suciale. A i giovani, incerti nantu à u so avvene, vogliu dì chè no travagliemu dipoi dui anni per assicurà li, cum’ellu l’hà detta u Papa Francescu : u travagliu, u tettu, a maestria di a terra.
A l’anziani, vogliu dì ch’avemu bisognu ch’elli ferminu in a mossa di un paese da fà da assicurà a trasmissione di i nostri valori.
A l’agenti di a nova Cullettività, ch’o salutu, vogliu dì a nostra cunfidenza in e so cumpetenze è a so vulintà di participà à a custruzzione di a Corsica di dumane.
A Corsica chè no vulemu ghjè un paese induve nimu ùn serà lasciatu da cantu. Un paese induve ogni zitellu averà listesse pussibilità di promuzione suciale quale ella sia l’origine o a situazione materiale di a so famiglia. Hè per quessa chè no vulemu mette in ballu, d’una parte i mezi di u sviluppu ecunomicu è suciale, è di l’altra un novu sistema educativu. Liberazione naziunale, sviluppu, educazione è ghjustizia suciale sò, è fermeranu, u core di i nostri impegni da custruì u nostru mudellu puliticu.
Durante l’anni à vene, cuntinueremu à travaglià, notte è ghjornu, senza stancià, per fà chì à a fine di issa mandatura a sucietà corsa sia più ghjusta è più bona chì avà.
Rilazione incù Parigi
Qualchì parolla nantu à a nostra rilazione incù Parigi. Dopu à quarant’anni di cunflittu – cunflittu chì ghjè statu nicessariu è chì ci vole à assume chjaramente è cumpletamente – avemu dui anni fà cuminciatu à scrive un novu capitulu di a nostra storia. Quelli chì cum’è noi anu cunnisciutu sti quarant’anni passati sanu u prezzu di a pace, issa pace ch’avemu vulsutu assicurà per e nove leve. Simu felice di sapè chì i nostri figlioli ùn averanu à passà per e stonde difficiule ch’avemu fracantu. Oramai, issa pace ùn pò esse rimessa in causa. Da nimu.
Ma u raportu di forza puliticu incù i dirigenti francesi ùn hè compiu, ancu s’ellu hà pigliatu una forma differente dipoi u 2014.
Oghje simu sereni perchè chì simu più forti chè mai è chì a nostra forza ghjè u populu corsu chì a ci dà. Da quì à qualchì ghjornu, principieremu à neguzià incù u guvernu francese. Nantu à u tavulinu di discussione ci serà u nostru prugettu, un prugettu pruvistu di un sustegnu demucraticu massicciu.
Di pettu à noi ci seranu i ripresententi di a Francia, perchè chì u sugettu di e discussione à vene serà quellu di e rilazione tra à Corsica è a Francia. Dipoi anni è anni, da mare in là, certi presentanu a nostra lotta cum’è una dimarchja antifrancese. Eppuru ùn hè mai statu u casu. Tutti i patriotti custretti di dì « innò », in ogni epica è in ogni paese di u mondu, l’anu fatta per amore di i soi è micca per odiu di l’altri. Pudianu dì, cum’è Antigone « Simu nati per sparte l’amore è micca l’odiu ». Cusì simu noi, appassiunati di issu picculu populu chì ghjè u nostru è chì ùn hà mai purtatu tortu à nisunu. Un populu chì vole campà, in fratellanza incù tutti l’altri populi in giru à ellu, in u Mediterraniu, in Auropa è al dilà. Hè per quessa chì, in e discussione à vene, vulemu ragiunà incù a Francia di Victor Schoelcher, di Pierre Mendès France è di Michel Rocard. Una Francia degna di rispettu è – perchè ùn dì la micca ? – d’amicizia. Ma l’amicizia ùn hà nunda chì vede incù a sottumissione. L’amicizia si custruisce in un raportu d’uguale dignità.
Per contu meu, sò cunvintu chì e donne è l’omi di bona vulintà si ponu sente è accurdà si. E cusì sia.
Drittu à l’autodeterminazione, drittu à a felicità
Diciamu dui anni fà chì a nostra maiurità era u primu guvernu naziunale dipoi quellu di Paoli. Tandu, certi anu pensatu chè no vuliamu vultà à u XVIIIu seculu. Anu vistu chì ùn era mancu appena u casu, chì avemu fattu tuttu dipoi u nostru accessu à e ripunsabilità per cunduce a Corsica nantu à a strada di a mudernità pulitica. Ma hè vera, ùn ci scurdemu di u tempu chì fù, è in particulare di u seculu di Paoli, u nostru seculu d’oru.
U preambulu di a Custituzione di u 1755 hè un tesoru d’innuvazione pulitica : « A Dieta generale di u populu corsu, legittimamente maestru d’ellu stessu, cunvucata da u Generale secondu e mudalità stabilite in a cità di Corti i 16, 17 è 18 di nuvembre 1755. Avendu ricunquistu a so libertà è bramendu di dà à u so guvernu una forma durevule è custante trasfurmendu lu in una custituzione capace à assicurà a felicità di a Nazione ».
Per noi naziunali, issu preambulu, sempre d’attualità, custituisce u testu ghjuridicu u più altu ch’ellu ci sia. In sei filari, solu sei filari, nascenu quatru nuzione sfulgurante.
A prima, quella di « custituzione », dunque di lege fundamentale, chì l’altri populi aurupei ùn l’avianu à l’epica.
A seconda, quella di « nazione » in u so sensu oghjincu : una cullettività pulitica unita, è micca solu cum’è nanzu un inseme di nativi o d’uriginari d’un territoriu.
A terza nuzione, u drittu di u populu à l’autodeterminazione : « A Dieta generale di u populu corsu, legittimamente maestru d’ellu stessu. » Nuvità à quella epica, ma idea sempre d’attualità oghje ghjornu, scritta in u prugettu di Per a Corsica è dunque riaffirmata da i Corsi u 10 di dicembre scorsu.
Infine, a quarta nuzione, u drittu à a « felicità », cuncettu chì si ritruverà dopu in li testi custituziunali americani è aurupei.
A mè, issi dui ultimi dritti – u drittu di sceglie u so destinu è u drittu à a felicità –, mi parenu più chè liati, per ogni populu, è dunque per u nostru.
E per quessa chì, a vogliu dì per compie, di modu sulenne : ùn accetteremu mai di rinuncià ne à l’unu, ne à l’altru, chì nisun’ populu ùn pò fà u dolu di a felicità.
Or dunque, care culleghe, cari culleghi, cari membri di l’Assemblea di a Giuventù, cari cumpatriotti…
Campate felici !
Evviva a Corsica !
Evviva a nazione !
Guillaume Bereni