Ecco il discorso degli auguri per il 2016 pronunciato in francese (e tradotto in còrso) ieri, primo giorno dell’anno, da Gilles Simeoni, neoletto presidente del Consiglio esecutivo dell’Assemblea di Corsica:
In u 2016, ch’ella s’avvii definitivamente a Corsica nantu à a strada di a demucrazia, di u sviluppu è di a pace. Infine è sepliciamente, in u 2016, ch’è no campimu in pace è in salute incù e nostre famiglie è tutti quelli c’è no tenimu cari.
Allora, à tutte è à tutti di core è di stintu, è in corte parolle : a Pace è a salute. È cusì sia !Pè a prima volta quist’annu, mi tocca à fà vi l’auguri di capu d’annu, in qualità di presidente di u cunsigliu esecutivu di Corsica. A facciu cun tanta emuzione, chì ghjè per mè un onore tamantu d’esse statu elettu à isse funzione alte. Isse funzione, l’eserciteraghju ( e praticheraghju) solu à u serviziu di l’interessu generale di a Corsica è di i Corsi.À l’usciu di l’annu novu, u mo pensamentu primu si porta di sicuru ver di quelle è quelli chì s’impettanu à una situazione difficiule, ch’ella sia familiale o persunale : a lotta contru à a maladia, u dolu, a precarità ecunomica o suciale, a sulitutine, a prigiò.A vi dicu cun forza : simu à fiancu à voi cun tamanta sulidarità.
È perch’è no simu citatini di u mondu, pensemu dinù à tutte quelle è quelli chì, qual’ellu sia u culore di pelle, l’origine, a religione, sò culpiti da i guai inghjennati da una situazione internaziunale cumplessa è chì dà penseru : guerre, terrurisimu, fanatisimu, sicchia, esiliu (esodiu), messa in periculu di e libertà è di i diritti fundamentali.
U nostru impegnu à u serviziu di a Corsica è di u so populu ùn si po spiccà di quellu pè un mondu è una sucetà più ghjusti, più fraterni, più sulidarii.
C’h’ellu v’avvii u 2016 nantu à issu chjassu. Ch’ellu sia quist’annu pè u nostru paese , u puntu di partanza d’un tempu novu : quellu di u sviluppu, di a custruzzione d’una Corsica spannata, appaciata è tulerente.
Ch’ella cuntinuessi a Corsica à fà Corsi, à pruduce idee, à inventà i chjassi di a pace è di a demucrazia, cum’ella l’hà sappiuta fà in a storia è particularmente à u seculu XVIII, quand’ella ghjuvò di mudellu è d’esempiu à i populi in lotta contru à l’oscurantisimu è a tirania.Apiimu fede in l’avvene, appiimu fede in a nostra capacità cullettiva à piglià in contu e più belle scumesse, à fà ch’ella s’avvii a Corsica ver di a mudernità, à fà ch’ella risplendi in l’Europa sana è in u mediterraniu.
Appiimu fede in u populu :
• ind’è l’anziani, i so sapè fà , a so sperienza
• ind’è i Corsi di quì o d’altrò, ch’anu lasciatu l’isula ma chì fermanu liati di modu forte à issu paese.
• ind’è tutti quelli chì lottanu, chì custruiscenu, amparanu, tramandanu, in tutti i settori : economicu , suciale, culturale, assuciativu.Appiimu fede dinù in a nostra giuventù, u so dinamisimu è a so vuluntà di dà à a Corsica u presente è l’avvene ch’ella si merita. Inseme, purteremu a scumessa più bella è a carica più appassiunente : custruisce un paese.
Chi 2016 sia un ‘annata colma à speranza è impastata à divizia è sentimu fraternu, per u nostru paese, è per u mondu sanu.
Chi, in 2016, a Corsica s’avvii definitivamente nant’à a strada di a demucrazia, di u sviluppu, è di a pace.
Infine è sempliciamente, in 2016, chè no campimu in pace è in salute, incù e nostre famiglie è tutti quelli chè no tenimu cari.
Allora, à tutte è à tutti, di core è di stintu, è in corte parolle :A pace, è a salute. E cusi sia !
Ecco il video del discorso completo (in francese):
————–
Fonte: Collettività della Corsica
Guillaume Bereni