Senza difficultà Gigliu Simeoni hà ritrovu à so poltrona di Presidente di l’Esecutivu di a Corsica dopu à ùn risultatu eletturale mai ottenutu da ùn partitu fin’avà ,più di 40 PC di i voti. Un risultatu chi li dà una maggiurità assoluta, 32 cunsiglieri nanta 63. 17 per a dritta ,8 per u naziunalistu Angelini e 6 per l’independentistu Benedetti.
A giunta regiunale ghje oramai pronta. 10 cunsiglieri esecutivi sottu a présidenza di Gigliu simeoni. Tutti di u stessu partitu, u simeunismu. Un c’hè statu apertura à l’altri partiti naziunalisti chi si trovanu cusi indè l’uppusizione dopu à 6 anni di puterre cummunu incu in particulare, u partitu di Ghjan Cristofanu angelini. A squadra Simeoni hà tuttu in manu ,e sè u presidente l’hà detta indè u so discorsu, ùn vulè guvernà solu, ghje sta pustura chi l’aspetta. Ghje solu incù puteri maiò. « Ghje ùn periculu per à demucrazìa, » cume l’ha specificatu indè ùn’ intervista, Ghjan Martinu Mondoloni elettu di dritta. Un c’hè solu i puteri di à culletività ma ci so i 350 stabilimenti induvè l’ hè presente, chi i stende nu ùn po più , hà dicchjaratu dinò Mondoloni. Una situazione unica in Francia. Una cunsequenza di a sparizione di i Cunsigli Dipartimentali e di a messa in opera di a culletività unica. « Una situazione chi s’assumiglia a quella di u presidente di a Republica » dice Mondoloni.
Per a prima volta l’Assemblea di Corsica sarà sottu a presidenza di una donna, Nanetta Mauperthuis, e parechji cunsigleri di a maggiurità, cume di l’uppusizione so giovani, a prova di ùn rinfreschu di a classa pulitica. Ci tuccherà à esse attenti per vede sè stu rinfrescu sarà solu ùn fenomenu fisicu o sè l’hà da favurì a pulitica e i fatti pulitichi.
Un’Assemblea eletta per 7 anni chi hà cume cartulari urgenti quelli di i rifiuti,l’ecunumia di l’isula ,chi ghje à i portachi, a puvertà incù una percentuale a più alta di Francia. A questione di a custruzzione di ùn portu novu in Bastia ferma essenziale. .Oramai Simeoni hà è mane libere, un’hà più l’uppusizione di Corsica libera, messa fora di l’Assemblea, e pò cusi ,rimette in ballu stu prugettu iniziatu dà a Municipalita di manca di Bastia. Un portu ,per a salvezza di a cità di u nordu mess’ à u rangu di sottu prefettura dopu a creazione di a Culletività unica e a prepudenza d’Aiacciu.
E poi c’hè u Statu . Forte di una maggiurità ampia Simeoni riclama néguziati, e u Statu oramai hà l’obligu di risponde. Nant‘à chi suggetti ? l’istituzione, l’autunumia, i prigiuneri, u statutu di residente ? une poche di rivendicazione naziunaliste non suddisfatte. Si viderà.
Simeoni puderà vantàssi di fronte à u Statu, di i 68 pc nanta 141 mila vutenti chi anu vutatu naziunalistu.
Ma què ghje una lettura spudica a realità ghje altra.
—
Petru Luigi Alessandri
Petru Luigi Alessandri
Giornalista radiofonico di RCFM, si occupa tra l'altro anche della trasmissione Mediterradio, che mette in contatto gli ascoltatori di Corsica, Sardegna, Sicilia, e occasionalmente Malta e altre terre mediterranee. Per Corsica Oggi scrive in lingua corsa o, in traduzione, in italiano.