Incù un effettivu ridottu ma una squadra piena di curaghju è di forza, u GFCA si hè puru offertu una bella vittoria di fronte à u leader di liga A (3-2). Dopu issa vittoria leghjendaria, u GFCA deve oramai cuncentrà si nant’à u macciu ritornu di coppa d’Europa, marti di fronte à Bucsa.
Sàbatu u GFCA assai smunitu, avia da rillevà un « challenge » assai maiò di fronte à u leader di liga A. Simovski, u capitanu era guardatu per marti, è Mineiro, Mijalovic è Sirrila eranu feriti. Un partita chi s’afferma assai difficiule per u primu appuntamentu di l’annu. Ma ùn ci vole micca infauristà si : i Rossi è Turchini anu più di una trincata ind’è u so saccu per fà calà una squadra vitturiosa di 11 macci nant’à 12. U macciu principiarà dopu una minuta di sciaccamanata in memoria di Ghjuvan-Carlu Bassoul figura emblematica di u club. A partita cummincia bè per u GFCA. I scambii so assai corti mà u leader si piazza pocu à pocu. Incù un Takaniko assai putente, i rossi è Turchini ùn lascianu nunda (6-8). Ma prestu, i visitanti si fanu sente più putenti.
L’influenza di u so ottimu passore di u campiunatu Gonzalez, si fà sente (9-13). Malgradu qualchi sbagli, Chaumont cuntinueghja nant’à a so inviata, è si attraccia versu a fine di u primu set (11-18). Un avanzu cunfurtatu da duie assalte di Boyer. Dui contri di Takaniko è Petrov, duie attache di Castard è un missilu di Petréas vedenu u Gaz riturnà assai prestu (21-23). Ma un contru di Patak seguitatu di un « ace » di Boyer offranu u primu set à Chaumont (21-25).
U principiu di u sicondu set s’assumiglia à u primu. Aguenier è Gonzalez permettanu un’avanzu (6-8). Ma l’Aiaccini ritrovanu forza à u serviziu è sulidarità à u block è piglianu u vantaghju (9-8). E duie squadre si difendenu ma u Gazelec mostra a so forza incù sta magnifica assalta di Lacassie è un contru di Pétréas (12-12). L’Aiaccini fanu miraculi à a ricevuta. Issa volta, a litighjosa decisione di l’arbitru dà un +2 à Chaumont (14-16). U scartu si scava à u « money time » (16-19). Ma u Gaz hà da fà un fine di set eccezziunale. Torna una volta, incù Lacassie è Takaniko u GFCA fà trimà a furtezza opposta (19-20) ; poi Dailey è Petrov, infiammanu u Palatinu (21-20, 22-21). Un contru di Dailey offre duie palle d’ugualisazzione à e so culore (24-22).Ind’è una salla caldissima, Petreas offre u sicondu set à a so squadra (25-23).
U GFCA hè più che mai mutivatu! Un sintimu cunfirmatu da un iniziu di primu set incredibile (4-0). Silvano Prandi hè custrettu di pone un tempu mortu pèr rompe u ritmu di i Rossi è Turchini. Castard mostra chi u GFCA vole stà maestru nant’à a so tarra (6-1). U Gazelec mantene u scartu durante guasgi tuttu u ghjocu (11-6, 12-7, 13-8, 14-9). U Palatinu, sunnieghja allora di un bellu fattone! Di più che in u stessu tempu Jeff Exiga sorte tuttu in ricevuta. U GFCA hè nant’à un nivulu dopu duie attache di Lacassie è Castard (19-11).U leader è imputente, ma prove à applicà u so serviziu è i so contri per pudè di vultà (21-15). Pena persa! Castard finisce parfettamentu u set (25-15).
U penùltimu set hè un veru suspense! Sempre cusì solidu ,u Gaz ùn lascia nunda (4-4). Un contru vincitore di Gonzalez dà un +2 à u leader (4-6). U vantaghju hè per Chaumont à u prime tempu (7-8), che ripiglia di e so forze. Aguenier è Gonzalez danu un vantaghju più cunsequente à u leader (8-11). Sta volta, i Rossi è Turchini so à a pena (9-12). U leader ùn si pianta più (15-20, 16-21, 17-22, 18-23). Un sbagliu di Dailey offre quatre palle di set à Chaumont. Aguenier chjode incù a prima (20-25). Ci vole dunque un quintu set per scumparte e duie squadre. A partita cummincia male incù un serviziu fora di Patak. Lacassie ci dà punti (3-1) ma u leader torna (4-4), nanzu di piglià u vantaghju nant’à un serviziu magnificu di Castard (4-5). U Gaz ripiglia i davanti è cunforte ancu u so avanzzu (7-5).Torna una volta, u leader passa davanti (7-8). Spinti da u so public in furia, u GFCA rende colpu per colpu (9-9). Dopu avè salvatu u so campu, Lacassie piazza un’ assalta viziosa (10-9), poi un magnificu contru chi fà avanzzà a squadra versu un successu eròicu (13-9). Un contru vincitore di Lacassie dà 5 palle di macciu. A prima hè salvata. Takaniko infiamma u Palatinu è compie magistralmente u travagliu (15-10).
Eva Bernard.
Fotografia : Florent Selvini.
Eva Bernard
Giovanissima studentessa còrsa, ha imparato a scuola il còrso e l'italiano: "Studià a mo lingua materna è a lingua taliana in scola, era per mè un piacè maiò!" che collaborando con Corsica Oggi ha modo di utilizzare scrivendo e traducendo dal francese.
Redazione