La nostra intervista alla cantante e musicista Carlotta Rini per l’uscita del suo primo album

La giovanissima cantante e musicista di Morosaglia  Carlotta Rini  si è fatta intervistare dal nostro inviato Andrea Meloni dopo qualche mese dal suo album d’esordio, Ma più Zitta. Poco dopo l’uscita dell’album era già stata intervistata da Corse Net Infos e durante il tour invernale nell’isola ha suonato anche all’Espace Diamant ad Ajaccio, forse da più di quarant’anni il più importante palcoscenico isolano. Con questa lunga intervista siamo andati a conoscere meglio questa nuova promessa musicale isolana.

Ciao, Carlotta parlaci un po’ di te.

Salute, hè sempre difficiule di parlà di se stessu .
Dicieraghju simpliciamente chì sò una donna corsa chì hè cum’è tant’altre, passiunata di cultura corsa è di musica ch’ella sia corsa ò micca . Vengu di Morosaglia, ci so stata allevata è ci campu sempre.

Come è nata la tu passione per la musica?

Aghju campatu cù e paghjelle chì eranu sempre in giru à mè vistu chì u mo babbu e cantava è e canta sempre cù i s’amichi. Pensu chì issu bagnu custì ci hè per qualcosa ind’è a mo passione di u cantu è di a musica. Dopu u destinu m’hà fattu incuntrà u gruppu “Cor’di Rustinu” induve aghju fattu e mo prime scene ind’è u rughjone di u Rustinu è ind’è a Corsica sana , qui aghju imparatu à cantà accumpagnata da una ghitara è cun un gruppu. Sempre cun l’aiutu di u mo destinu aghju incuntratu  u gruppu “E Farfalle” è soprattuttu Sylvie Iozzia chì ghjera à u capu di issu gruppu. Hè una donna talentuosa, passiunata chì m’hà apertu d’altre porte è chì in più di fammi travaglià a mo voce è diventata un’amica è una personna assai impurtante ind’è a mo vita d’artista è ind’è a mo vita persunale.

E sei arrivata ad incidere il tuo primo album nel 2015, Mai più Zitta. Di che cosa parla il tuo primo album?

Vulia parlà di qualchi sughjetti chì mi toccanu assai ind’è issu primu dischettu. Sò assai tocca da l’inghjustizie di issu mondu è ghjè un tema chì rivene assai ind’è “Mai più zitta”. Ma ben’intesa parlu dinù di a mo lingua , di i paesi corsi abbandunati è cercu dinù di fa u legame tra ciò chì si passa ind’è u mondu è ciò chì si passa in Corsica.
Se no riflettimu appena , l’inghjustizie sò tutte e listesse.

Quanto tempo hai impiegato a registrarlo?

Emu messu à pocu pressu 2 anni per compie issu dischettu.
Aviamu bisognu di tempu per priparà e canzone è po’ dinù per truvà i soldi postu chì ùn aghju micca dumandatu aiutu à e cullettività .
Hè statu dinù difficile d’addunì à u listessu tempu tutti quelli chì travagliavanu nantu à issu dischettu, allora avemu pigliatu appenuccia di più tempu.

Sono tutte canzoni nuove o qualcuna la suonavi già ai tuoi concerti?

Parechje canzone eranu digià cantate cun “E Farfalle”, perchè chì ùn avia micca cum’è primu scopu di fà un dischettu sola, prima scrivia per u gruppu. Dopu quandu avemu parlatu di l’idea di un dischettu aghju ripigliatu qualchi tituli di iss’epica qui ma ùn eranu mai state reggistrate. È po dopu sò nate d’altre canzone nove per issu dischettu.

A quale canzone sei più legata e di che cosa parla?

Ah eccu una dumanda assai difficiule. S’eiu devia sceglie una canzona sola seria “Vecu ballà i fiori”, chì ghjè appenuccia un riassuntu di i tema di u dischettu è di ciò ch’o pensu. Tuttu u longu di a nostra vita passemu stonde dure è dolorose, allora ci vole à truvà mezi per francà tuttu què è eiu aghju trovu u cantu è a musica. Cusì possu dì chì quandu cantu vecu ballà i fiori è tuttu u neru si ne và.

Con quali gruppi hai cantato nei tuoi concerti in giro per l’isola?
S’eiu ùn contu micca E Farfalle è Cor’Di Rustinu induve aghju cantatu assai assai tempu aghju avutu a furtuna di sparte a scena cù parechji gruppu. Aghju fattu a canzona d’apertura di i famosi gruppi I Muvrini è Canta u populu Corsu è pò dinù a prima parte di I Mantini è Diana di l’Alba.

Cosa ami di più della musica isolana?

Ciò chì mi piace u più ind’è a musica ghjè a particularità , ciò chì scambia appena. Allora ghjè per quessa chì a musica di u mo paese mi tocca di più! Ghjè una vera fiertà di pudè fà parte di iss’artisti chì so pochi à cantà d’una certa manera. Ind’è e paghjelle ò ind’è e pulifunie per esempiu ci hè un legame assai assai forte trà i cantadori per ottenne l’armunia  è què ghjè forse u più bellu insegnamentu.
Sò ligata à ciò chì si face di manera tradiziunale ghjè sicuru ma pensu chì ciò chì mi face di più piacè è di vede chì a mudernità pò  esse dinù corsa . A musica hè universale.

Cosa ascolti oltre alla musica isolana?
Stò à sente à assai musiche sfarente in più di a musica corsa chì diventa di più in più ricca. Mi piace assai a musica Irlandese è Africana .
Stò dinù à sente à parechj’artisti sfarenti: Luciano Pavarotti, Michael Jackson, Jacques Brel,  Joan Baez, Edith Piaf,  Céline Dion,  Josh Groban, Ed Sheeran, Tété.. Eccu ciò chì mi vene avà in capu.

In Italia pochi conoscono i musicisti della Corsica, nonostante italiano e lingua corsa siano due lingue “sorelle”, vorresti venire a suonare nella vicina Italia?

Serebbe un piacè tamantu per mè di vene à cantà in Italia. Sò venuta in Pisa è in Firenze per passà qualchi ghjorni è ci sò i lochi magnifichi. Forse chì u mo prossimu viaghju serà per vene à cantà, qual’hè chì a sà ?

Ora parliamo proprio della lingua corsa, cosa pensi della vitalità della lingua còrsa nell’isola e cosa bisognerebbe fare per salvarla?

Forse chì oghje passemu di più tempu à parlà di a lingua corsa chè di parlà issa lingua ! Ghjè una realità, ùn a parlemu micca quant’ellu ci vole , è eiu sò a prima. Per salvà una lingua ci vole à parlà la, ma u scambiamentu di a sucietà è a desertificazione di i nostri paesi isulani ùn ci aiutanu micca. U scopu hè di fà campà issa lingua ind’è un mondu novu. Ùn ci hè micca una sola suluzione è pensu chì so digià assai numerosi quelli chì ci decinu ciò che no devimu fà per a nostra lingua, allora ùn lamperaghju micca a meia dinù.

Te sei di Morosaglia, il paese di U Babbu Pasquale Paoli, secondo te qual è il suo più grande ideale che vive ancora oggi?

Pensu chì u sognu di libertà di u Babbu di a patria hè sempre ind’è i cori di tutti i corsi oghje.
Issa libertà po esse à u nivellu puliticu ma dinù per noi stessu! Esse liberu di sceglie, di fà, di tene caru è di campà!

Secondo te oggi qual è la più grande risorsa e il problema più grande da risolvere nell’isola?

Simu ind’è un’isula assai ricca è assai povera à tempu, è pensu chì ghjè perch’ella pò esse ricca chì a Corsica ùn hè micca svilluppata cum’ellu ci vole. Ci hè statu una vuluntà di fà di noi un populu chì aspetta sempre d’altrò , chì ùn po’ creà nunda è chì deve andà in altrò per esse megliu è per campà megliu. Pensu chì u ventu hè appenuccia in traccia di girà ci vole à capì chì simu capace di fa,di prupone è d’aiutà issu paese à svillupàrsi.

Ora torniamo a te, quando farai i prossimi concerti?

Mi puderete ritruvà u 25 di gnugnu à l’Alb’oru in Bastia induve aghju invitatu parechji artisti à sparte a scena cun mè e u 6 d’agostu in Isula Rossa. Eccu per avà ciò chì ghjè previstu.

Un’ultima domanda…secondo te qual è il posto più bello della Corsica? E dell’Italia?

Hè una dumanda assai difficiule chì ci sò e ricchezze ind’è tutti i lochi. Ma per l’Italia tengu caru assai à Firenze, ci sò andata parechje volte è mi piace assai l’imbienza di issa cità. Per a Corsica aghju una vera affezzione per i nostri paesucci è serà nurmale, pensu, per Morosaglia.

Grazie dell’intervista, dove possiamo trovarti su internet e sui social?
Aghju un sittu internet : carlottarini.com
Dopu mi pudete ritruvà nantu à e rete suciale (Facebook, Twitter, Instagram) circhendu Carlotta Rini.

https://www.youtube.com/watch?v=15DsOeTirao

https://www.youtube.com/watch?v=pVV4CpQ4jrA