In Aiacciu, Calvi, Corti è inde a maiò parte di i paesi di Corsica l’Assunta Gloriosa ghje stata festighjata incù assai divuzione. Messe, prucessiò è fochi d’artifizi à sera, ghjeranu à u prugramma di sta ghjurnata. Cume di solitu, Bastia onorava una di e so sante patrone, è quì a festa ha pigliatu un caratteru più sulenne. A Vergine d’argentu di l’Assunta sculpita in Bastia innù 1844 da u senese Gaetano Macchi ghjera sposta inde a cattedrale, poi purtata in prucessiò inde i viculi di u vecchju carrughju di Terra Nova, da i cunfratelli, scalzi. Una folla di bastiacci ma dinò parechji turisti hannu assistitu à è ceremonie in particulare à a Messa Parata. Sta Messa chi ghjera l’ultima per u canonicu Ghisoni paroccu di Santa Maria dipoi 10 anni è chi à 80 anni n’hè chjudìa 52 di sacerdote. Secretariu particulare di u Cardinale Duval Arcivescu d’Algeri, Vicariu generale di a Diocesi di a Corsica, Arciprete di a cattedrale d’Aiacciu, curatu di parechji paesi di l’internu poi paroccu di à chjesa di a madona di lourdes in Bastia e per finì in Santa Maria. U canonicu Ghisoni ghje dino cronista à a radiu FB RCFM. U padre Ghisoni ha ricevutu l’omaggiu e i ringraziamenti di i so paruchjani ma dinò di e persunnalità civile di à cità presenti in numeru à a Messa.
U 15 agostu firma u principiù di a fine di l’estate. Ghje quellu dino di l’arrivata di e temperè : a rinfriscata di Santa Maria. Tempi fà, pecure è capre falavanu di e pascurre muntagnole, i frascati di e marine si viudavanu, è ognunu rigiungìa i so paesi per preparà l’inguernu è acadastà u legnu . Oghje so piutostu é ghjente chi transumanu per aria o per mare, è u 15 agostu sonna l’ora di u ritornu è di i conti di u turismu, chi cume sempre sè lu sine crede i prufeziunali, ùn seranu boni. Fendu sventulà i mandili di l’addii à a partenza di i batelli chi purtavanu i corsi per ste franciè l’estate finita, omu si ramenta u dettu chi traduce in poche parole a tristezza di a separazione :” Parte u batellu, per mare sine và, lascia à mamma, babbu, frencescu luisa….à pienghje è à suspirà”…
—–
Articulu è fotò di Petru Luigi Alessandri
Petru Luigi Alessandri
Giornalista radiofonico di RCFM, si occupa tra l'altro anche della trasmissione Mediterradio, che mette in contatto gli ascoltatori di Corsica, Sardegna, Sicilia, e occasionalmente Malta e altre terre mediterranee. Per Corsica Oggi scrive in lingua corsa o, in traduzione, in italiano.
Guillaume Bereni 
Redazione
Se potessi commenterei in corso il bell’articolo di Alessandri ma non ne sono in grado.Mi stavo chiedendo se tra le tante iniziative che fioriscono in lingua nustrale ci sia anche ,opportunamente, la celebrazione di s. messe in lingua corsa,e ancora più opportunamente in italiano,visto anche il numero elevato di turisti italiani,oppure anche in questo contesto c’è la massificazione obbligatoria all’uniformità dell’unica lingua perfetta?Giusto per cronaca in Italia in, Alto Adige, è più facile trovare nelle chiese celebrazioni in tedesco che in italiano.