Diamo qui un esempio di poesia in genovese. E adesso ci spieghino come i Genovesi ci hanno imposto la “loro” lingua.
Cô, pasium, paìse, amû e amê,
cà, fögu, fora, nona, muê e puê.
Su, çe, rappi maüri, orive inscie
furnelli, carbùn, menestrui e rustie.
Scciumera, troeggi, ciatezzi da luntàn,
ancù pe l’oia, tramezzi au din-din-dàn.
Sciure e profümmo sciù pe i senté,
camamilla, viulette e zenestre spanteghé.
Seire de rüsoi, nuvene eterne, silençi pin de insensu
lentü scure du tempü, Madonna du Cormu e firmamentu.
Duçe oia, duçe tempi, duçe zugô senza demûre
cünette d’œgua giassô, börche de papê
in mëzo au mô.
Dialettû, pe’ mirô franze l’unda n’ti scoggi,
dialettû, pe senti u ventu scigurô n’ti bricchi.
Dialettû, pe’ cantô e nanâ ai matetti,
pe’ föli indurmî da brovi angiuretti.
Vitta, vitta, luxe e culure, tutta in dialettû.
N’tu nìu du me cô u lé notü un passurettu
ün nipotìn, teneru, picìn, ma u lé ün cinesìn!
Vitta, cumme a farô a rispunde au so pio-pio
se n’tu dialettû nu ghe posso mancu dì:
dorme me bambin, to nona a te sarà sempre da vixin!
