A cità eterna accoglie Mediterradio: l’isule si spostanu à Roma

A 20esima stagione di Mediterradio s’hè compia in Roma indè i studii di a RAI. Per st’ultima, a trasmissione ghjè stata registrata à a sede di a radiu publica taliana. Sta volta i tre animatori, Salvatore Cusimano, Vito Biolchini è Pierluigi Alessandri ghjeranu aduniti indè u stessu studiu, è per a circustenza l’ospiti ghjeranu di prima trinca : i direttori di a RAI Sardegna è Sicilia, è u direttore di Francebleu RCFM.

A u prugramma di sta trasmissione speziale, non solu i servizi abituali chi trattanu di l’attualità isulana (i 50 anni di a Corsica Ferries in Corsica, a prublematica di a thalassemia in Sardegna, i pellegrini di a francigena in Sicilia), ma u bilanciu di a stagione. « Pusitivu » anu rispostu i tre direttori . Franck Lidon di FB RCFM ha cunfirmatu che a cullaburazione incù a RAI cuntinua . In futuru ha lasciatu intende chellu pensava ha un’estenzione di l’infurmazione mediterranea al dilà di u settimanale, per fà nè un trattamentu quotidianu. Giovani Maria Dettori è Salvatore Cusimano di RAI Sardegna è Sicilia anu sottulineatu l’impurtenza di u cunfrontu linguisticu che Mediterradio permette. An’amintatu a pusizione particulare di u corsu indè a trasmissione. « Siciliani è sardi si stupiscenu di capilu, è reazzione so parechje nanta è nostre rete suciale c’hè una vera richezza, un’emulazione simpatica ». L’illustrazione musicale di sta trasmissione speziale ghjera stata artisticamente cuncolta da Marzia Puleo prugrammista a RAI Sicilia.

Sta fermata romana avia dinò cume scopu una reunione incù i rispunsevuli di a COPEAM (Cummissione Permanente di l’Audiuvisiu Mediterraneu), per presentà è discute di i prugetti mediterranei di è tre radiu. A COPEAM ghje un’urganismu di cuurdinazione di è pruduzzione radiofoniche o televisie. A reunione s’hè tenuta in sede RAI sottu a presidenza di Claudio Cappon secretariu generale, anzianu direttore generale di a RAI è Hervè de Haro (Radio France) presidente di a cummissione radiu.
In preparazione una grande festa di Mediterradio ogn’annu à turnu. E a corsica chi porta l’iniziativa di a creazione di a trasmissione serà a prima à festighjà u mediteragnu isulanu. Mediterradio ferma un’esempiu unicu di partenariatu trà dui gruppi maio di l’audivisiu europeu, RAI è Radio France (Francebleu).


Petru luigi Alessandri.

Petru Luigi Alessandri

Giornalista radiofonico di RCFM, si occupa tra l'altro anche della trasmissione Mediterradio, che mette in contatto gli ascoltatori di Corsica, Sardegna, Sicilia, e occasionalmente Malta e altre terre mediterranee. Per Corsica Oggi scrive in lingua corsa o, in traduzione, in italiano.

Petru Luigi Alessandri

A proposito di Petru Luigi Alessandri

Giornalista radiofonico di RCFM, si occupa tra l'altro anche della trasmissione Mediterradio, che mette in contatto gli ascoltatori di Corsica, Sardegna, Sicilia, e occasionalmente Malta e altre terre mediterranee. Per Corsica Oggi scrive in lingua corsa o, in traduzione, in italiano.

Vedi tutti gli articoli di Petru Luigi Alessandri →