« U prublema ghje Macron » !
Per stu primu maghju a manifestazione maiò ghje stata urganizata in Bastia da u sindicatu CGT, à u quale s’era adunitu FO e une pochi di « Gilets jaunes ». In Aiacciu c’hè statu un’adunita chi ha riguaratu pocu ghjente.
Dopu à l’annunzii fatti da u presidente Macron i sindicati anu vulsutu sprime à so scuntentezza. « U contu un c’hè . A precarità un smarisce, a puvertà ne menu, è paghe è pensione un crescenu, . A Corsica ghje particularmente tocca da u disimpiegu e a puvertà. Macron face fume e basta ! » dicenu i sindicati.
A sfilata bastiaccia ghjera furnita , i manifestenti anu falatu a via principale di a cità u corsu Paoli, poi à Piazza Santu Niculà fin’à prefetura . Pochi partiti pulitichi presenti nisùn naziunalistu, solu u partitu cummunistu ha pigliatu parte à a manifestazione. « Vulemu appughjà i travagliatori simu incù elli per dà forza à è so lotte » dichjarava Michele Stefani u secretariu federale di u partitu in Corsica Suprana.
Indè u curteu une pochi di « gilets jaunes » chi aviamu cume motu « Macron demissione » ! e chi ùn si dicenu suddisfatti da è misure di u presidente. « Un’hà annunziatu nùnda chi po scambia a vita. U capitalismu un teme di fronte à l’annunzii presidenziali » dichjaranu i gialli chi sine piglianu à l’Auropa mettendu dinò l’accentu nant’a i prublemi d’ambiente .
Sottu à un bellu sole di maghju i manifestenti ghjeranu piutostu felici e chieti. A manifestazione s’hè cunclusa senza inticci. Un s’hè vistu d’altronde nisùn forze di pulizza. Un penseru di l’urganizatori : u pocu numeru di giovani indè a sfilata.
—
Petru Luigi Alessandri
Petru Luigi Alessandri
Giornalista radiofonico di RCFM, si occupa tra l'altro anche della trasmissione Mediterradio, che mette in contatto gli ascoltatori di Corsica, Sardegna, Sicilia, e occasionalmente Malta e altre terre mediterranee. Per Corsica Oggi scrive in lingua corsa o, in traduzione, in italiano.
Redazione