Franck Lidon : Novu direttore di RCFM

A radiu di serviziu publicu FranceBleu RCFM ha scambiatu di direttore. Dopu 5 anni di presenza in Corsica Hervé de Haro ha lasciatu à so piazza à Franck Lidon per piglià a direzzione di FranceBleu Alsace in Strasbourg. U novu direttore venne, ellu, di FranceBleu Vaucluse in Avignon induve occupava u listessu postu. Franck Lidon ha esercitatu parechje funzione impurtente inde u gruppu Radio France, in particulare à a rete naziunale di France Bleu. Originariu di u paese Baschu induve la principiatu à so carriera in qualità d’animatore, Franck Lidon cunnosce benissimu à Corsica. « Ha un amore tremendu di l’isula » ha dettu Frederick Schlesinger Direttore Generale di Radio France, à l’occasione di à stallazione ufficiale di u novu direttore u 9 settembre. Cuntentu d’esse isulanu Franck Lidon piglia pussessu di u so scagnu indè lucali novi e muderni in citadella di Bastia. Lucali inaugurati à u mese di ghjugnu scorsu.

FranceBleu RCFM ghje a radiu a più maiò di Corsica dipoi più di 30 anni. Oltre à so missione d’infurmazione (bislingua corsu e frencese),nanta l’attualità lucale, a Frequenza Mora, cume à chjamanu incù affezzione l’ascultatori, s’hè stesa indè u circondu mediteragnu 20 anni fà grazia à l’iniziativa di u giurnalistu Petru Mari chi ha creatu due trasmissione/ « MEDITERRADIO » chi tratta di a prublematica isulana in partenariatu incù a RAI Sicilia, a RAI Sardegna e PBS à Malta, « KANTARA » chi sparte l’attualità di è sponde mediteragne in partenariatu incù è radiu publiche di l’Algeria, Tunisìa, Maroccu, Egittu e Spagna. E cusi che RCFM ghje oramai a punta di radio France inde u mediteragnu. Franck Lidon trova dunque un patrimoniu radiofonicu specificu e impurtente chellu ha prumessu di difende. E cusi sìa……..

 

—-
Articulu è fotò : Petru Luigi Alessandri – Fotò principale : Corse-Matin