Una tristezza è un ricordu tamentu

Luni 19 settembre una ceremonia naziunale in omaggiu à i morti di u terrurismu ghjè stata organizata à Parigi inde a  corte maiò” des  Invalides », in presenza di u Presidente di a Republica Frencese François Hollande. Una millaia di ghjente ghjera presente in particulare è famiglie tocche da l’attentati di Francia.

Stonde d’emuzione quandu si hè intesu è testimugnanze di quelli chi c’eranu e chi si sò salvati, di quelli chi hanu persu un caru. Tristezza ma dinò sintimu di rivolta quandu si hè amintatu ogni vittime (240). Spartera di fratellanza à u cantu (à capella) di « La Marseillaise » simbulu di libertà e d’unione naziunale indè è stragge. I loghi induvè decine di  ghjente so state sfragellate da à scimizia terrurista so oramai spazii di ricordu. A Pariggi, à Saint Etienne du Rouvray e à Nizza. Indè a capitale di a Costa Azzura  induvè campanu tanti corsi, a vicinanza ci tenne ùn po più à fiancu. Quì, nanta u lungo mare chi si stende da « ruba capeu » à a « Califurnìa », omu ùn po svià u so sguardu di u giardinu « Albert 1^er ». Vicinu à u munumentu eretu à a gloria di l’unione di Nizza à a Francia, hè natu un’altru munumentu, per avà senza lapide ma custituitu di fiori, messagi, oggetti d’affezzione, in omaggiu à l’86 vittime di u 14 lugliu. Ghjornu e notte è ghjente si fermanu in silenziu, ghjornu e notte u loghu ghje apertu per accoglie u passente. Un mazzulu, un fiore, un biglietinu per dì a quelli chi ùn ci so più a ferrita di quelli chi campanu. E poi è bandere, regiunale, naziunale ,strangere appicate à è griglie di stu giardinu. Una liturgìa necessaria per pudè suppurtà l’insuppurtevule. Ma sopratuttu un’offerta anonima, muta, perche quelli chi so stati cancellati di i nostri occhji, vedinu à nostra fratellanza. Ci sò ghjuntu,  di notte, a gola chjosa e u core strintu…

—–
Articulu di Petru Luigi Alessandri