Tra pocu si metterà in opera, in Corsica Suprana, un Pianu dipartimentale à prò di e famiglie. Un’iniziativa prevista da a pulitica di u guvernu chì vole sustenne e famiglie è favurisce a cunciliazione tra vita famigliale è vita prufeziunale. L’UDAF (L’Unione Dipartimentale di l’Associ Famigliali) ghje stata numinata da u Prefettu per fà parte di u Cumitatu chi cunducerà u prugettu.
A l’occasione di à so assemblea generale sabatu 18 ghjugnu, d’UDAF hà presentatu u pianu chì si sparte in tre capituli : a piccula infanzia, a parentalità, è i giovani. Ghje a Cascia d’Allucazione Famigliale chi averà a rispunsabilità generale di stu pianu. Nant’à una pupulazione di 170 974 abitenti, a Corsica Suprana conta 7 751 famiglie chi ricevenu aiuti da a Cascia. Per più di 23 % di è famiglie ùn c’he ch’ùn parente (babbu o mamma), più di 34 % hanu rivenuti bassi, è e donne ripresentanu 52,49% di a pupulazione attiva.
U pianu serà messu in opera ufficialmente in nuvembre prossimu dopu u periodu di a diagnosi. U Scopu finale serà di favurisce l’accolta di i giovani, u mischiu suciale, di riduce l’ineguaglianze territuriale, d’ameliurà l’infurmazione di e famiglie è a furmazione prufeziunale.
——
Articulu di Petru Luigi Alessandri
Petru Luigi Alessandri
Giornalista radiofonico di RCFM, si occupa tra l'altro anche della trasmissione Mediterradio, che mette in contatto gli ascoltatori di Corsica, Sardegna, Sicilia, e occasionalmente Malta e altre terre mediterranee. Per Corsica Oggi scrive in lingua corsa o, in traduzione, in italiano.
Redazione 
Guillaume Bereni