Eccu un bellu rigalu di (guasi) Natale pè l’amatori di ballò! U Sporting Club di Bastia hà annunciatu chì si ghjocherà in Furiani una partita amichevule contr’à a Fiorentina, u 14 di dicembre 2022 (ore 17, Stadiu Armand Cesari).
A squadra di Firenze, condotta dà Vincenzo Italiano, punta oghje à u dicesimu postu in classifica di a Serie A. Hè dinù in lotta quest’annu in UEFA Conference League, seguitendu i passi di l’AS Roma, vincitricia di a coppa l’annu scorsu.
Ancu se a Fiorentina d’oghje un hè micca a squadrona di tandu, quella di u “Re Leone” Batistuta è di tant’altri grandi ghjucatori, rimane quantunque un grande nome di u ballò talianu. C’è ancu ind’è a Fiorentina, cume in Bastia, una bella “tifoseria”, fiera è appassiunata.
Insomma, tuttu hè radunatu per chì quella partita in Bastia rigala una bella esperienza à tutti!
–
Fonte: Sporting Club di Bastia
Guillaume Bereni
Di Felce (Castagniccia), è padre di 3 bimbi e lavora sia nell'azienda agricola di famiglia, che produce farina di castagne, sia come redattore freelance, per noi e per altre testate, scrivendo in lingua corsa, francese e italiana.
Redazione
Bellissima nutizia! Eu sò tifosu di a Fiorentina ma di u Bastia dinù!! Tamantu piacè!