Ne parlavamu nant’à Corsica Oggi l’annu scorsu, quandu una trentina di zitelli facìa à so rientrata ind’è e scole immersive di Bastia è di Biguglia (articulu da ritruvà quì, in talianu). Dopu quest’annata sculare ricca pè i zitelli cume pè l’insegnenti, c’è più che mai fiducia in l’avvene di stu mudellu d’insignamentu.
Ghjè cusì chi sò state aperte, da un paghju di ghjorni, l’iscrizzione di i zitelli ind’è u terzu stabilimentu di Scola Corsa, in Sarrula è Carcupinu (vicinu à Ajacciu). So accettati i zitelli di picculissima, piccula è media sezzione ; c’è ancu una pussibilità d’iscrizzione per quelli appena più grandi (grande sezioni), s’elli anu digià una certa pratica di a lingua corsa.
Cume scrittu nant’à u situ internet di Scola Corsa,“l’insignamentu immersivu permette à i zitelli di ciutassi primaticci in un bagnu linguisticu permanente (scola, attività parasculari, ludiche, cantina, recreazioni…) è hè l’unicu mudellu chì possi pruduce lucutori propiu bislingui, dinù d’ammaestrà altre lingue dopu”.
Scola Corsa hè ghjestita in modu assuciativu. Se vo vulete sustene u prugettu è dalli cusì i mezi di cuntinuà stu travagliu sempre più vicinu à i zitelli d’ogni locu in Corsica, pudete fà una donazione, seguitendu stu ligame.
Infurmazione nant’à Scola Corsa : situ web, pagina Facebook
Guillaume Bereni
Di Felce (Castagniccia), è padre di 3 bimbi e lavora sia nell'azienda agricola di famiglia, che produce farina di castagne, sia come redattore freelance, per noi e per altre testate, scrivendo in lingua corsa, francese e italiana.
Redazione