È stata presentata la nuova edizione di A Festa di a Lingua, la serie di iniziative che ogni anno tra maggio e giugno vuole dare impulso a iniziative e animazioni volte alla diffusione della lingua corsa in tutta l’isola, alla presenza di Saveriu Luciani, consigliere esecutivo incaricato delle politiche linguistiche.
Riportiamo qui sotto l’annuncio ufficiale sul sito della Collettività territoriale:
Iniziata da a direzzione di a lingua corsa in u 2012, « a Simana di a lingua corsa », hè un evenimentu di prumuzione di a nostra Lingua chì mubilizeghja associ, cumune è dinù centri è stabbilimenti di furmazione, ingiru à prugetti culturali è linguistichi.
In prugressione regulare in quantu à u numeru di participanti è à a so repartizione nantu à u territoriu st’evenimentu festivu hè diventatu « A Festa di a Lingua Corsa », manifestazione stabbilita da u regulamentu di l’aiuti rilativi à u sviluppu, à a prumuzione è à a diffusione di a lingua, aduttatu da una deliberazione di l’Assemblea di Corsica di u 13 di marzu di u 2015.
A vulintà di a nostra mandatura hè, di sicuru, di cuntinuà à sustene, per via d’un prugramma d’aiuti, u sforzu tamantu fattu à prò di tutti i partenarii di a CTC.
Sta prugrammazione fatta per dà à l’azzione di a cullettività territuriale di Corsica una diffusione più larga, permette d’intervene in sustegnu à opere indiate da u mondu assuciativu ma dinù da e cullettività è da i centri di furmazione.
A chjama à prugetti lampata di ghjennaghju di u 2016 hà ricevutu, torna una antra volta, un’accolta propiu favurevule, prova si n’hè l’impurtanza è u numeru di manifestazione previste stu veranu
Impignata cun forza in a prumuzione di a lingua corsa a cullettività territuriale di Corsica vole sviluppà cun evenimentu simule u prucessu chì tende à dà à a lingua corsa tutta a so dimensione in a sucetà isulana.
In u quadru di a pulitica iniziata à prò di a lingua corsa, a cullettività territuriale di Corsica hà aduttatu un novu Pianu Strategicu di Sviluppu di a Lingua Corsa (Lingua 2020).
L’ogettivu strategicu di « Lingua 2020 » -arripusendu nantu à u mezu strategicu ch’ella ripresenta a cuufficialità- hè dunque di prumove l’usu di a lingua corsa in tutti i duminii d’usu pussibili d’una lingua viva è ufficiale, senza vuluntà d’egemunia o di monopolu.
Per quessa, cinque ogettivi operaziunali sò stati definiti :
- permette à ognunu d’amparà u corsu, quall’ella sia a so età, a so situazione prufessiunale o e so origine
- offre à ogni lucutore u più occasione d’aduprà a lingua corsa
- creà e cundizione di l’offerta di servizii bislingui da l’organisimi publichi è privati
- primurà si di a qualità di l’ecchippamentu di a lingua
- assicurà a sparghjera di a lingua corsa in Corsica è for di Corsica.
Tende à accertà a primura di a lingua corsa da leia suciale, mubilizendu l’inseme di l’attori isulani ingiru à e sfide di u sviluppu è di a diffusione di a lingua in tutti i campi di a vita suciale
L’ogettivu centrale di Lingua 2020 -ripusendu nantu à u mezu strategicu ch’ella ripresenta a cuufficialità- hè dunque di prumove l’usu di a lingua corsa in ogni duminiu d’usu pussibule di una lingua viva è ufficiale, senza vulintà d’egemunia o di monopoliu.
A Festa di a Lingua si scrive direttamente in sta pulitica di pianificazione per a nurmalizazione di a lingua corsa è u prugressu versu una sucetà bislingua chì 90 % di i corsi aspettanu.
——–
Fonte: CTC
Guillaume Bereni