Sott’à e fronde di San Petru di Venacu si adunisce ogn’annu à i principi di lugliu a ghjurìa di u Premiu di u Libru Corsu. A più vecchja ghjurìa litteraria di Corsica, nata inde u 1984, distribuisce e so laude à i scrivani corsi tantu in lingue francese che corsa. Tre categurìe so pruposte : “Essais” per u francese, “Fiction”è “lingua corsa”. St’annu so cinque à spartesi i premii. Per a prima categurìa ghje u libru di Philippe Castelin, “Répliques, de la violence en général et en Corse parfois” (Repliche, di a viulenza in generale è qualchi volta in Corsica). Un’opera di reflessione filosofica nant’à viulenza. Un libru publicatu da l’edizione Albiana.
Inde a seconda categurìa so duie opere à spartesi u premiu : “Le sang des Leca” (u sangue di i Leca) di Marc Archippe (sudarennes édizione), è”Les mauvais sujets” (i cattivi sughjetti) firmatu da Michèle Corotti è Philippe Peretti (edizione Piazzola). U Libru di Marc Archippe conta a storia di un clanu familiale durente mezu seculu. A saga di i Leca serve u filmu di Jacques Becker “Casque d’Or” in 1952 chi scuprìa duie pianete di u cinema frencese Serge Reggiani è Simone Signoret. L’opera di Corotti è Peretti ghje a storia di un periodu tumultuosu di l’ottucentu, tra a fine di u duminiu genuvese è l’arrivu di u frencese.
Per à lingua corsa ghje Ghjacumu Thiers chi si alza, incu u so rumanzu “U Balcone” (Albiana) storia cumplicata chi si stende nanta parechje epuche di a fine di a guerra di 14/18 à 1975. Ghjacumu Thiers avìa digià benefiziatu di u premiu tant’anni fà incù u so primu rumanzu “A Funtana d’Altea”
In fine a ghjurìa hà datu una mensione speziale à Lisabetta è Sampiero Sanguinetti per “Tito Franceschini-Pietri les dernières braises de l’Empire”(Albiana). Una storia di u secretariu di Napuleone III, chi ghjera dino un’omu puliticu di a Corsica.
I laureati riceveranu i so premii u Primu Agostu in Lama induve inizierà u 23esimu festivale di u filmu. U Premiu ghje un stilettu corsu fabricatu à posta da un’artigianu per ogni autore, è incisu da a data di a laurea.
Ogn’annu a ghjurìa di u libru corsu sceglie intra mezu à più di una centinaia di pruduzzione litterarie francese è corse.
—–
Articulu di Petru Luigi Alessandri
Petru Luigi Alessandri
Giornalista radiofonico di RCFM, si occupa tra l'altro anche della trasmissione Mediterradio, che mette in contatto gli ascoltatori di Corsica, Sardegna, Sicilia, e occasionalmente Malta e altre terre mediterranee. Per Corsica Oggi scrive in lingua corsa o, in traduzione, in italiano.
Guillaume Bereni 
Redazione
“Tre categorie sono proposte”,così si legge nell’articolo ma mi sembrano solo due.Prendo lo spunto per proporre finalmente anche lavori di corsi che con coraggio scrivano in italiano con un pò di lungimiranza.Ma poi sarebbe un delitto aggiungere la lingua che è stata parte integrante della storia dell’isola molto più del francese?