L’indipendenza in calata

A catalogna regione spagnola autonoma chi ha cume scopu à so indipendenza e chi ghje per i naziunalisti corsi una riferensa ha cunnisciutu ghjorni Fà un’evenimentu che i stessi naziunalisti corsi averebbenu interessu à medità.
L’independentisti catalani festighjavanu settimane fà, u quintu aniversariu di u so riferendum per l’indipendenza. Un riferendum in ottobre 2017 urganizatu senza l’accunsentu di u guvernu spagnolu e chi s’hè cunclusu per a messa in prigiò di parechji rispunsevuli independentisti catalani, e a fughjita à l’esteru di u capu di u guvernu autunomu, Carles Puigdmont. A l’occasione di ùn meeting per festighjà stu riferendum, Carme Forcadell chi ha fattu a prigiò per esse stata unu di i capi di l’urganisazione, e anziana presidente di u Parlamentu Catalanu,ghje stata frischiata da i so camaradi. Un s’era mai vista . A causa di sta crisa ? A scunfitta di stu riferendum e u fattu che parechji independentisti si sentenu sbagliati. Parechji osservatori pensanu che, ne tandu in 2017 ne avà ,è cundizione per un’indipendenza ùn ghjeranu favurevule. E si hè pussutu leghje nanta i muri di a generalità di catalogna ,a sede di u guvernu autonomu, « Un vuteremu più per voi !».
In ottobre 2017 più di dui milioni d’elettori nanta 5 milioni, avianu vutatu à prò di l’indipendenza à 90 PC. Se lu si vutava oghje, parechji pensanu che l’independentisti un ‘averebenu più a maggiurità. Un sundagiu palesa che oghje 52 pc di i catalani so contra l’indipendenza e solu 41 pc so à favore. Sta situazione duverebbe fà riflette i naziunalisti corsi, independentisti o no, perche ghje una prova che ancu l’elettoratu u più solitu po scambià secondu è situazione suciale o pulitiche. In stu periodu d’incertezze, in Catalogna, cume in corsica, è ghjente so più preoccupate da i so prublemi oghjinchi cunsequenza di a crisa economica ( inflazione, disimpieghu, precarità in aumentu, permanenza di u Covid ecc), so più impauriti da a situazione internaziunale e à guerra in Ucraina che per è prublematiche d’autunumia o d’indipendenza chi ùn facenu nancu abbastanza à prova chelle offrenu una vita migliore.

—
Petru Luigi Alessandri