A prussima edizione di l’eventu “I Fochi Paoli” si svogliarà u sabbatu 25 di maghju di u 2024, à partesi di 14.30. Cume ogni annu, si aspetta in Merusaglia centinaia di persone venute da tutt’a Corsica per un omaghju à u Babbu di a Patria. I Fochi Paoli celebranu u ritornu in terra corsa di e cènnare di Pasquale Paoli, avvenutu in lu 1899.
L’associazione chì gestighje I Fochi Paoli ùn hà ancu datu u detagliu di a manifestazione. Ma cume sempre forse sarà detta una bella messa tradiziunale, si ascolterà canti corsi interprettati da parechji gruppi, si seguitarà a prucessiò inseme à i cunfratelli è i partecipenti vestuti in abitu tradiziunale. Sin’à a statua di Pasquale Paoli per u dipòsitu di un fasciu di fiori.
A festa di I Fochi Paoli hè una stonda di ricordu, di spartera, di cultura. Tutt’ognunu vene cù qualche robba da sparte è cù un pezzu di legne per chì luce a piazza di a chjesa di Merusaglia sin’à l’albore.
–
Fonte : I Fochi Paoli nant’à Facebook
Guillaume Bereni
Di Felce (Castagniccia), è padre di 3 bimbi e lavora sia nell'azienda agricola di famiglia, che produce farina di castagne, sia come redattore freelance, per noi e per altre testate, scrivendo in lingua corsa, francese e italiana.