Ghjuvan Teramu Rocchi riposa oramai in terra casinchese sott’à l’ombra di u bellu campanile di u so paese, Loreto di Casinca, induvè avia decisu dopu una passata per stè franciè, di pusassi è di scrive.
Ghjera unu di i pueti maiò di stu tempu. Anzianu prufessore di scole primarie s’hè battutu a so vita sana per difende a lingua corsa incù simplicità, forza, fede, spiritu luminosu senza calculi nisunu.
Natu in Casinca, in Loreto, a so puesìa sentìa u succhju di l’amore di a Corsica. I so versi so stati dinò messi in canzone. Pueta, omu di cultura ma dinò omu di prugressu. A facìa sente indè à so puesìa chi abbraciava è traducia u soffiu, è preucupazione di u picculu populu, quellu di l’operai, di quelli chi si l’à stentanu incù difficultà, di quelli chi facenu incù u so sudore un paese. Facia parte di i grandi, di quelli chi un si mettenu in primu rangu, ma chi ci sò senza sbracciulà per a sola forza di u so spiritu è di u so talentu. A so voce s’hè spenta fermanu oramai i so scritti.
Eo avia avutu u piacè di scuntralu in ghjugnu di u 2013, per Mediterradi,o a trasmissione di a radiu RCFM, in casa soia in Loreto nantu à so bella terrazza, sottu à a quale i paesi di Casinca è a piaghja si stendenu. Aviamu parlatu un dopu mezziornu sanu. Certe di e so risposte so prufetiche è anticipavanu a situazione di oghje. Eccu un riasuntu di l’intervista :
Petru Luigi Alessandri
Petru Luigi Alessandri
Giornalista radiofonico di RCFM, si occupa tra l'altro anche della trasmissione Mediterradio, che mette in contatto gli ascoltatori di Corsica, Sardegna, Sicilia, e occasionalmente Malta e altre terre mediterranee. Per Corsica Oggi scrive in lingua corsa o, in traduzione, in italiano.