Fiera di a Bocca à u Pratu : hè principiata una di e più grande feste muntagnole di Corsica

Sò decenni chì a Fiera di a Bocca à u Pratu raduna ghjente venuti da a punta d’Ersa sin’à Bunifaziu per una di e più grande, di e più belle feste muntagnole di Corsica. In quellu locu di tante bellezze, trà l’Ampugnani è u Rustinu, sottu à a prutezione di u maestosu monte San Petrone, si festeghja un certa idea di a tradizione corsa, di l’agricultura, di ciò chì ci lega a questa terra.

Da oghje 2 d’aostu fin’à u 4, saranu presenti artisgiani è produttori cù tanti cose d’assaghjà, da fighjà, intornu à i sapè fà d’eri è di dumane. Casgiu, miele, robba purcina, biscotti, cusì cume curtelli, tintenne, zaini è tant’altre affare saranu pruposte da l’artisgiani è da l’agricultori venuti da tutta a Corsica. Po’, cume ogni annu, sò organizzati cuncorsi di bestiame, induvinele nant’à u pesu di certi di st’animali, apprubazione “razza corsa” per i cani è i sumeri. Infine, c’è spaziu per i zitelli cù parechji ghjochi è animazione.

Per sta Fiera di a Bocca à u Pratu ci serà -bella sicuru- da beie è da manghjà. Dui cuncerti sò previsti : l’Arcuscgi u sabbatu è Vitalba a dumenica, unu cume l’altru à 9 ore di sera.

Eccu u prugramma cumpletu (in francese) di e ghjurnate di sabbatu è dumenica :

–

Fonte : https://www.facebook.com/fieradiupratu