Evviva A Francia !

A u colpu di fischiu finale chi firmava a vittoria di a Francia in Cuppa di u Mondu di ballò, indè tutt’à Corsica da Aiacciu à Bastia è dinò indè i paesi di l’internu ghjè statu una splusione di gioia. I tifosi un hanu risparmiatu trombe, gridi “evviva a Francia”, bandere , è campane cume in Pruprià, o indè numerosi paesi. In Aiacciu, Bastia, Porti-Vecchju ,Sartè… curtei di vitture à trombe aperte hanu circulatu indè carrughji è vie per salutà sta vittoria. Ancu i batelli staziunati indè i porti si sò fatti sente. In Aiacciu piazza di u Diamante è in Bastia Piazza San Niculà i caffè decurati di bandere frencese hanu accoltu un publicu numerosu di corsi è di turisti. Facìa parechj’anni chell’ùn s’ assistìa à favore di una squadra naziunale à una tale effervescenza di accunsentu. Dui anni fà per a Cuppa d’Auropa ùn c’era statu tantu manifestazione. Per à Cuppa di u Mondu i corsi si so sentiti più cuncernati è parechji hanu prufitatu di l’occasione per manifestà à so francità da rapportu oghje à una situazione pulitica chi ùn porta tantu simpatia à a madre patria, chì i naziunalisti independentisti qualificheghjanu di « paese amicu ».

E per disgrazia c’he statu qualchi incidenti, per furtuna non gravi. Qualchi tifosi di a Francia, corsi o pinzutti, so stati presi à partitu. C’he statu intici chi anu necessitatu l’intervenzione di a pulizza. Ma in modu generale indè sta serata i « Evvia à Francia » supranianu i moti cuntrarii. E certi osservatori ci vedenu un principiu di scambiamentu indè è mente. Ma dumenica si trattava di sport è nientr’altru.


Petru luigi Alessandri

Petru Luigi Alessandri

Giornalista radiofonico di RCFM, si occupa tra l'altro anche della trasmissione Mediterradio, che mette in contatto gli ascoltatori di Corsica, Sardegna, Sicilia, e occasionalmente Malta e altre terre mediterranee. Per Corsica Oggi scrive in lingua corsa o, in traduzione, in italiano.

Petru Luigi Alessandri

A proposito di Petru Luigi Alessandri

Giornalista radiofonico di RCFM, si occupa tra l'altro anche della trasmissione Mediterradio, che mette in contatto gli ascoltatori di Corsica, Sardegna, Sicilia, e occasionalmente Malta e altre terre mediterranee. Per Corsica Oggi scrive in lingua corsa o, in traduzione, in italiano.

Vedi tutti gli articoli di Petru Luigi Alessandri →