E migrazione, una mostra à u museu di Bastia

Identità : les corses et les migrations (I Corsi e è migrazione) ghje u tema di una mostra impurtente chi s’hè aperta u 7 lugliu è chi si chiuderà u 22 dicembre di u 2018 in Bastia.

A u Palazzu di i guvernatori sede di u museu di Bastia ghjeranu numerosi stu 7 lugliu l’invitati per l’apertura di a mostra. Persunnalità di u mondu puliticu, culturale è dinò ripresententi di è cummunità strangere : i consuli d’Italia di u Maroccu è di u Purtugallu.
Sta mostra hà cume ambizione di risponde à una questione : Cume si custruisce l’identità corsa indè stu rapportu à l’altru indottu da è migrazione ?.
Qualchi dati storichi so necessarii. A u cuntrariu di coselu si crede o si dice, i corsi di u XVII à u XVIIIesimu seculu so partiti di l’isula. Una percentuale di 20 %. Ma ghje u XIX è XX esimu seculu chi custituisce u periodu u più « riccu » di l’esiliu di i corsi. Da u 1931 à u 1938, 6000 corsi partenu ogn’annu. Ma indè l’annate 1950 ùn so più che 1000. Indè u deceniu 1930, 120000 corsi vannu un pò d’apertuttu . In 1970 l’impiegu di u tema di « Diaspora » s’invita ind’è mente, è a parolla ghje adubrata.
Ma, sè i corsi partenu, l’isula accoglie dinò strangeri : taliani (tuscani, sardi, liguri) custituiscenu à maio parte di l’immigrati. L’annessione frencese scambia u dà. Face sorte l’isula di u spaziu culturale talianu per integrala à a nazione frencese. E l’immigrati di l’Africa di u Nordu supraniscenu quelli taliani ,seguitati dopu da i purtughesi. Si conta à pocu prezzu più di 13000 magrebini è 7000 purtughesi. Un si sà l’influenza di è migrazione indè a custruzzione identaria di i corsi. Ma sè «  u sangue un ghje acqua » cume dice u pruverbiu, è leè, è vicinanze, è spartere, i scontri, è vite cumune sò attrazzi chi sfondanu è chjusure identitarie per impastale in modu novu.
E migrazione oghje.

Oghje a pupulazione di a corsica ghje cumposta da 10 PC d’immigrati, una percentuale a più debulè di Francia.
Sta mostra spone une pochi di documenti, imagini, foto, dipinti, filmati, testi di e migrazione. Ricordi di a vita ind’è culunie frencese che millai di corsi anu investitu. Testimugnenze di a vita di i magrebini in corsica, di i so travagli in particulare per facende agricule. Ma a mostra pone pocu a dimensione suciale,  è strage di è migrazione.

Oghje i corsi un partenu più, ma l’isula campa indè una diversità culturale spessu mal vissuta da i strangeri è i corsi. Omu si ricorda sempre i scritti nanta i muri di è cità « Frencesi Fora, Arabi Fora ».

« Lucchisacciu » ghje statu da parecchji deceni u disprezzu versu u talianu. E migrazione eri cume oghje portanu l’ esiliu di quelli chi fughjenu è miserie di i so paesi. In sti tempi, u mediterraniu ingolle millaie d’esiliati chi unanu pussutu, né ancu, purtà una valisgia.
St’imagine tradiziunale di l’immigratu un ghje più di moda.
Quelli chi si salvanu so accolti scalzi e guasi spugliati. E migrazione oghje anu cume mostra, un bambinu mortu che l’onda ha purtatu in terra ferma, faccie impaurite, dannighjate da è fatigue, occhji sburlati da u miraculu di a salvezza, bocche assidate è famite, corpi tremitti di freddu. E migrazione oghje ùn so più a studià in sensu di muvimenti di pupulazione, ma in situazione d’emergenza umana.

Sè e migrazione di tandu che a mostra spone, ghjeranu ‘ « vestite »di tristessa e d’angosce, purtavanu dinò un rumantismu di a speranza .
Prima si partìa, oghje si scappa.

Petruluigi Alessandri