Eranu 44 i cantadori venuti da u mondu sanu per pruvà à vince stu cuncorsu, ricunisciutu cum’una vera oppurtunità per a seguita di i percorsi prufeziunali ind’u cantu. Eppoi ci vole à ramintà chì Corsica Lirica hè unicu è assai cumpettitivu perchè impone à i partecipenti di cantà almenu una canzone in Corsu. Un hè micca facciule per tutti! Sopratuttu quand’ellu si pensa à i cantadori di lingua materna fora di l’ambiente latinu. Mà ognunu hà dattu u massimu per incantà a ghjesgia San Michele di a Ghisunaccia, induve a ghjente era venuta numerosa.
Cundottu da Katerina Kovanji, cantatrice lirica è creatrice di u cuncorsu, Corsica Lirica 2024 hà vistu a russia Irina Polonskaya vince u primu premiu. Per a so canzona in Corsu, Irina Polonskaya avia sceltu “Cantu di Malincunia” di Henri Tommasi. Seguitanu Paola Alcocer da a Bolivia è Olivera Krivokuca di Serbia. U premiu per u migliore cantadore maschju hè statu vintu da u norvegianu Jostein Fahre.
C’eranu parechji altri premi chì i partecipanti pudianu vince, trà qualli u premiu di u più bellu cantu in lingua Corsa. Ghjè a spagnola Ainhoa Munain chì l’hà vintu. Eccu i nomi di l’altri premi è i so vincitori venuti da tanti paesi per chì stu cuncorsu rimane una bella stonda di cantu, di cultura è di lingua.
Premiu “Jeune espoir PierOptique”
Lopez Ainhoa (Spagna)
Premiu “Confitura Giudici”
Inoue Shiki (Giappone)
Premiu “Djinns boutique”
Bistere Diana (Lettonia)
Premiu “Academie Gratitude”
Brasó Laura (Spagna)
Premiu “Stretta Management”
ALCOCER Paola (Bolivia)
Premiu “Palazzo Pesce”
ALCOCER Paola (Bolivia)
Premiu “Voce all’opera”
Krivokuca Olivera (Serbia)
Polonskaya Irina (Russia)
Lemaire Mathilde (Francia)
Lopez Ainhoa (Spagna)
Accademia di u Teatru Mariinsky
Tregan Markuz Lauriane (Francia)
Shakhmatova Anastasia (Russia)
–
Ringraziemu David Aïdan per l’informazione. L’imaghjine sò di Yannick Doublet (pubblicazione autorizata).
Guillaume Bereni
Di Felce (Castagniccia), è padre di 3 bimbi e lavora sia nell'azienda agricola di famiglia, che produce farina di castagne, sia come redattore freelance, per noi e per altre testate, scrivendo in lingua corsa, francese e italiana.
Petru Luigi Alessandri