Ci tuccherà paziensa à tutti quelli chi sbarcanu di u batellu incù e so vitture, è chi piglianu a direzzione di u sud di a Corsica. L’uscita di Bastìa st’annu dinò he prublematica.
I travagli di custruzzione di duie gallerìe in Furiani è in Biguglia ralentanu assai a circulazione. Si passa di duie file à una, è dunque c’he l’ingorgu. A l’ora di l’arrivate di i batelli di u cuntinente francese o talianu a cunfusione ghje tutale, è si camina à u passu di a tartughjina. Si sà, i travagli, cume di solitu, hanu pigliatu ritardu è face avà duie estate che turisti è citadini mettenu un tempu for di misura per francà a surtita bastiaccia. A situazione sarà migliore l’annu prossimu, si spera, incù a messa in serviziu di e gallerìe furianacce è bigugliese.
Ma u percorsu di a costa urientale l’estate un ghje di quelli tanti lindi. U flussu di vitture un pò esse assurpatu da a strada chi un’hà à parte di Arena che duie vie : una per cullà è l’altra per fallà. E si traversa parechji centri urbani assai frequentati incù i so loti d’ingorghi : Fulelli, Padulella, Aleria ,Ghisunaccia ecc…
U PEI (prugramma eccessiunale d’investimentu) di duie milliarde nant’à 15 anni, vutatu dà u guvernu sucialistu di Jospin di u 1997 à u 2002 per righjapà u ritardu storicu, s’hè un pò scurdatu di u stradale. Allora ch’ella era a priurità prima è assoluta. Andate à capì…
O ghjente e vacanze in Corsica si meritanu !
—–
Articulu di Petru Luigi ALESSANDRI
Petru Luigi Alessandri
Giornalista radiofonico di RCFM, si occupa tra l'altro anche della trasmissione Mediterradio, che mette in contatto gli ascoltatori di Corsica, Sardegna, Sicilia, e occasionalmente Malta e altre terre mediterranee. Per Corsica Oggi scrive in lingua corsa o, in traduzione, in italiano.