di Ghiuvanni Filippini
Giratu tantu agghiu in ogni stagione,
ed ogni ora, per visite ai malati,
cu la calura e cu lu nivagghione,
e ‘ndù li jomi di festa assignalati.
Agghiu curatu ricchi e puverelli,
cun gran passione tutti, ed ancu amore;
fattu nasce agghiu puru figliulelli;
a più gran gioia per ogni duttore.
Vistu agghiu tanti dulori e ogni male,
curatu agghiu feriti in pace e guerra,
e curatu malati d’ospidale,
malati d’ogni culore e ogni terra.
Ma sempre nun so’ statu furtunatu,
e mi so’ morte d’ogni età persone,
malgradu abbia, cume sempre luttatu.
E questu è l’amaru di a prufessione,
D’esse medicu a dicìa da zitellu:
medicu so’ statu per vucazione,
e leggeru è restatu lu bursellu,
chi di tutti avutu agghiu cumpassione.
I miò maestri chi nun ci so’ più,
tutti i ricordu cun gran cummuzione,
chi m’insignonu cun sapé e virtù,
e qui rinnovu la miò divuzione.
All’ora di l’estrema remissione,
abbi d’elli e di me, o Dio, cumpassione.
