Arte Mare 2020 : A Bastia u « mostru » COVID un’impedisce i Premii

U festivale di u filmu mediterraneu di Bastia ,Arte Mare, s’hè compiu sabatu sera à u teatru di a cità. Una manifestazione culturale chi festighjava st’annu i so 38 anni, é chi hà ripigliatu fiadu anni fà incù a vulunta di à so presidente Michele Corotti.

Arte mare vole esse ùn scontru culturale chi adunisce è sponde di u mediterraniu , non solu à u livellu cinematograficu ma dinò leterariu, gastronomicu o artitiscu. L’edizione 2020 à causa di a COVID s’hè svolta in formula minima, ma c’hè statu quantunque una cinquantina di filmi à u prugramma ind’è sfarente cumpetizione : corti filmi, documentarii, quella di è scole di sinemà, é a pruduzzione corsa. U tema sceltu st’annu ghjera « i mostri ». Mostri sacri, mostri scunisciuti, mostri brutti à u core d’oru o belli mostri à u core di petra. Mostri pulitichi, pianete o mostrini simplici tutti anu « assaltatu » Arte Mare. E ùn mancava à l’affissu, bella sicura, « I mostri » di Dino Risi . Un festivale di paura allora ? No ùn scontru di piacè durente una settimana.
U festivale di u filmu talianu di Bastia, é Arte Mare custituiscenu è manifestazione culturale maiò di a Corsica dipoi oramai più di 30 anni. Duie iniziative chi anu cume radiche u mediterraniu, fendu cusi di a Corsica à parte di Bastia, ogni ottobre é ogni ferraghju , ùn nucleu induvè s’aggreganu è diverse culture bagnate da u stessu mare. E chi megliu che à Corsica, é Bastìa, ponu purtà sta panera mediterranea ? l’isula ghje sempre stata à l’avant’ guardia geografica di u cuntinente frencese. A so stesa tirrena nè face una terra favurita per accoglie è diversità di ogni sorte venute di tutti i lati di u mare nostrum, latinu o urientale. Un ghje sola, certa ! Sardegna é Sicilia spartenu sti scopi. Ma u golfu di Genua chi ricama a Corsica l’avvicina più che l’altre isule di u spaziu europeu . S’apre cusi una porta, anzi ùn purtò induvè passa u soffiu mediterraneu vers’i nordi europei.
PREMIU KANTARA-PETRU MARI

E cusi che a radiu di serviziu publicu Francebleu RCFM ùn s’hè sbagliata in mettendu in onda più di 20 anni fà, duie trasmissione chi basgianu l’inseme di u mediterraniu. Mediterradio chi pone a prublematica di l’isule, é Kantara chi cuncolta i paesi di l’Africa di u nordu, l’Egitu, u Libanu, a Palestina é a Spagna. E Arte Mare ogn’ annu, dà ùn premiu Kantara-Petru Mari in omaggiu à u creatore di a trasmissione, giurnalistu à RCFM, oghje sparitu. Un premiu chi ricumpensa u filmu chi hà a più bella musica. Per l’edizione 2020 ghje u filmu di u spagnolu Aitor Arzegi « Une vie Secrète », qui hà vintu. U premiu ghje statu rimessu da a giurnalista di Kantara Nanette Ziade di a radiu Publica Libanese, in presenza di a squadra corsa di Kantara.
U vincitore di u Gran Premiu di a Ghjurìa hè statu u regista algérinu Hassen Ferhani per u filmu « 143 rue du désert ». A cumpetizione corsa hà vistu dui laureati, Oceane Court-Mallaroni per « Entre la nuit », é Matteo Moeschler per « Ma blessure d’âge adulte ». In fine ghje u fotografu talianu Marco Castelli chi hà vintu u cuncorsu Kantara di a fotografìa.
Un votu per l’édizione 2021 : che u « mostru » invisibile COVID sìa scunfittu.

—
PetruLuigi Alessandri