Hè urganizata in questa fine di settimana a prima edizione di “A Viranata” in Bunifaziu. Da u 24 à u 26 di marzu, l’uffiziu di turismu prupone ondeci attività pè sensibilizà u pubblicu di tutte l’età à a quistione di biodiversità.
U prugrammu, che vò puvete ritruvà è scaricà nant’à u situ di l’uffiziu di turismu (in francese), hè cumpostu d’attelli, visite guidate, spassighjate, in città è ind’è i dintorni. Parechji guidi prufessiunali, persone di u mondu assuciativu o semplecimente appassiunati di natura è di cultura cundivideranu e so cunuscenze.
Pè trè ghjorni si parlerà di e piante endemiche, di a farfalla “Sphynx Moro”, di l’ortu sulidariu “Musella” o di agricultura cù i pialinchi. Inoltre, un attellu darà a pussibilità à e persone appassiunate di fotografia di miglioracci cù i cunsigli di un prufessore. Insomma, ghjè una bella fine di settimana chì si pripara in Bunifaziu.
Hè necessariu chjamà l’uffiziu di turismu di Bunifaziu pè pudè partecipà à iss’attività. U numeru di participanti hè limitatu. Certe attività sò gratuite, d’altre paghente pè e personne di oltre dodeci anni. Pè sapene di più, date un’ochjata à u situ di l’uffiziu di turismu di Bonifaziu.
Voir cette publication sur Instagram
–
Fonte : Uffiziu di turismu di Bunifaziu
Guillaume Bereni
Di Felce (Castagniccia), è padre di 3 bimbi e lavora sia nell'azienda agricola di famiglia, che produce farina di castagne, sia come redattore freelance, per noi e per altre testate, scrivendo in lingua corsa, francese e italiana.
Redazione