A Tramuntana, ùn ventu chi sparisce

« A tramuntana fresca è sana », ùn ventu di u mediteraniu venutu dal dilà di i monti è chi rinfresca, anzi qualchi volta ghjace u tempu. U freddu sti pochi ghjorni  s’hè rimessu à piglià fiadu è a tramuntana ne hè à so cumpagna.

A tramuntana chi schiarisce l’orizonte, sculpice e cime di i monti, è ci avicina di l’isule tuscane  purtendu le nanta l’onde à fiancu di e nostre coste. Senza a tramuntana l’inguernu ùn serebbe. Ma in Corsica a Tramuntana po suffià in ogni stagione incù celi chiari o tempi piuvosi. À tramuntana ripresenta 15 pc di u tempu isulanu. Da seculi si cunnosce a parola tramuntana. Unu di i primi à aminta la hè un certu Brunetto Latini scrivanu fiurentinu di lingua frencese à u 13esimu seculu. A parola venne di u latinu « transmontanus » è nomina ùn ventu di Nord’ueste.

Sè u Muntese « soffia in ogni paese « ,ma in capi corsu si sente pocu, per a tramuntana, u dettu hè ghjustu, ghje «  fresca è sana » è face parte di l’identità di u mediteraniu. A Tramuntana, ùn ventu cusi aradicatu indè u nostru  clima, e nostre vite, che l’ha datu u so nome à u primu giurnale in lingua corsa in 1889 à l’iniziativa di Santu Casanova pueta è scrittore , irredentistu chi ha pigliatu  pretesa per Mussolini è ghje mortu in esiliu in Livornu. Ma oghje sottu à i colpi di u riscaldamentu climaticu a tramuntana perde pocu à pocu fiadu. I primi custati so stati fatti in catalonia, regione induve la soffia u più ( 100 ghjorni  à l’annu in media).  Da poi qualchi anni i cientifichi di meteofrance anu cuntatu assai menu  ghjorni di tramuntana, è 2022 ghje stata l’annata a più pessima incù solu 90 ghjorni di stu ventu. In sti loghi, ma di sicuru ancu indè noi, a tramuntana ghje un veru benefattore per a natura. Asseca l’aria è ghje cusi ùn medicamentu per e vigne, rafredda u gallu di u mare è permette a creazione di ùn fenomenu chi pulisce l’acque di i fondi è porta nutrimenti. Grazia à a tramuntana a Catalonia ghje ùn veru giardinu fruttiferu. Ma u riscaldamentu, è i sulleoni di più in più longhi l’estate, so i nemichi di a tramuntana, cume a pruduzzione di gasu di serra. I meteurulugisti anu previstu una sminuzione prugressiva di a tramuntana da qui à 2100, chi averebbe cusi cunsequenze pessime nant’à nostra biudiversità.

Allora preghemu è assicuremuci per chi sta tramuntana, chi ghjaccia e nostre osse ma cura u nostru ambiente, si mantenga . È cume lu scrive u premiu nobel di leteratura Gabriele Garcia Marques «  À tramuntana hè cume una donna abominevule ma senza à quale ùn si pò campà ».

Petru Luigi Alessandri